Biełaruskija ŭłady, u adroźnieńnie adkrain-susiedziaŭ , pakul nie abviaścili nacyjanalnaj žałoby. Z prapanovaj zrabić taki krok vystupajuć šarahovyja hramadzianie Biełarusi.
Iryna Łaŭroŭskaja, historyk i architektar z Bresta, napisała i skiravała ŭ Administracyju Łukašenki list nastupnaha źmiestu:
«Pavažanyja supracoŭniki pryjomnaj prezidenta Respubliki Biełaruś! Źviartajusia da vas u spravie, jakaja mianie i mnohich biełarusaŭ mocna ŭzrušyła, zakranuła i asabista, i
Nazirajem, jak hodna reahujuć inšyja dziaržavy na bol Polščy…
Ź vialikim ździŭleńniem bačym, jak naša kraina, najbližejšaja da Polščy i z punktu bačańnia historyi, i z punktu bačańnia hieahrafičnaha, abmiežavałasia dypłamatyčnaj dapamohaj rodnym achviaraŭ pry tranzitnym pierajeździe miažy…
Ja adčuvaju soram za svaju krainu, kiraŭnik jakoj maje nieadpaviednuju vysokamu stanovišču hramadzianskuju i čałaviečuju pazicyju. Kali łaska, urehulujcie prablemu, zrabicie niejkija zachady, kab Biełaruś taksama abviaściła žałobu ŭ suviazi z trahiedyjaj pad Smalenskam», — piša jana ŭ pryvatnaści.
Prezident Ukrainy Janukovič abvieściŭ paniadziełak dniom žałoby pa achviarach katastrofy samalota z prezidentam Polščy. Jon zajaviŭ pra heta ŭ časie naviedvańnia pasolstva Polščy.
Raniej trochdzionnuju žałobu abvieściła Litva. U dzień pachavańnia žałoba budzie abaviazvać u Słavaččynie. Žałoba, pa rašeńni Dźmitryja Miadźviedzieva, abvieščana i ŭ Rasii. A prezident Hruzii paśmiarotna prysvoiŭ Lechu Kačynskamu zvańnie Nacyjanalnaha hieroja krainy.