U vyniku darožna‑transpartnaha zdareńnia ŭ Mahilovie zahinuła 17‑hadovaja dziaŭčyna, dva 17‑hadovyja i 16‑hadovy junaki atrymali traŭmy. Usie jany — vučni 10—11‑ch kłasaŭ adnoj sa škoł abłasnoha centra.
Avaryja adbyłasia 14 krasavika prykładna ŭ 14.50 na praśpiekcie Šmita. Šasnaccacihadovy padletak, jaki ŭziaŭ pakatacca mašynu baćkoŭ, nie spraviŭsia z kiravańniem, u vyniku aŭtamabil vylecieŭ na pravuju abočynu i ŭrezaŭsia ŭ aśviatlalnuju mačtu.
Vypadki, kali pry adsutnaści baćkoŭ dzieci majuć dostup da transpartnych srodkaŭ i stanoviacca achviarami DTZ, u Biełarusi nie adzinkavyja, adznačyli va UDAI MUS. Supracoŭniki Dziaržaŭtainśpiekcyi zaklikajuć darosłych minimizavać ryzyku, zrabiŭšy niemahčymym dla padletkaŭ zavałodańnie klučami ad aŭtamabila. Usiaho za minułyja sutki ŭ Biełarusi zarehistravana 14 DTZ z paciarpiełymi, u jakich try čałavieki zahinuli i 15 — atrymali ranieńni.