U Biarozie padčas pažaru ŭ kvatery šmatpaviarchovaha žyłoha doma ratavalniki evakujavali 20 čałaviek.
Jak raskazaŭ pres‑sakratar Bresckaha abłasnoha ŭpraŭleńnia MNS Siarhiej Mašnoŭ, 14 krasavika ŭ 15.42 u centr apieratyŭnaha kiravańnia Biarozaŭskaha rajaddzieła pa NS pastupiła paviedamleńnie ad žychara piacipaviarchovaha doma na vulicy Lenina. Jon prainfarmavaŭ ab pažary ŭ kvatery na druhim paviersie budynka.
Na miesca zdareńnia praz try chviliny prybyŭ aŭtamabil chutkaha reahavańnia, dźvie aŭtacysterny pažarnaj avaryjna‑ratavalnaj častki № 1 Biarozy.
«Da hetaha času z akna kuchni kvatery, dzie adbyŭsia pažar, byŭ bačny ahoń i išoŭ dym. Z padjezda, u jakim raźmieščana kvatera, ratavalniki evakujavali 20 čałaviek, jakija znachodzilisia ŭ hety čas doma», — adznačyŭ Mašnoŭ.
Supracoŭniki MNS nie dali ahniu raspaŭsiudzicca, pažar byŭ likvidavany za 15 chvilin.
Ahniom paškodžana majomaść u kvatery, zakurany ścieny i stol. Mahčymaja pryčyna pažaru — karotkaje zamykańnie elektrapravodki chaładzilnika. Haspadara kvatery, 40‑hadovaha mužčyny, doma ŭ hety čas nie było. Uron ad pažaru skłaŭ 3 młn. rubloŭ. Vyratavana materyjalnych kaštoŭnaściej na 12 młn. rubloŭ.
Z pačatku hoda ŭ Bresckaj vobłaści padčas pažaraŭ vyratavana i evakujavana 216 čałaviek, vyratavana materyjalnych kaštoŭnaściej na 4,4 młrd. rubloŭ.
