Ilustracyjnaje fota, photo.bymedia.net
Uviečary 24 sakavika ŭ Minsku byŭ zatrymany małady čałaviek, jaki rasklejvaŭ na infarmacyjnych stendach padjezdaŭ abjavy «Našaj Nivy».
Mužčyna ŭ cyvilnym zaŭvažyŭ maładziona ź biełaruskamoŭnymi infarmacyjnymi materyjałami i vyklikaŭ narad milicyi. Kali vyśvietliłasia, što ničoha kramolnaha ŭ abjaŭkach niama, a vychodnyja dadzienyja na miescy, to było vyrašana skłaści pratakoł niby chłopiec «papsavaŭ fasady damoŭ», častka 2 artykuł 21.14 KAAP. Arhumient, što infarmacyjnyja stendy praduhledžany dla infarmacyjnych abjavaŭ milicyja nie razhladała. Paśla taho jak pratakoł byŭ składzieny, chłopca adpuścili dadomu.
Mikałaj razam z advakatam praź niekalki dzion napisali skarhu ŭ prakuraturu Pieršamajskaha rajona. Sutnaść skarhi ŭ tym, što nijakaha pravaparušeńnia junak nie ździejśniŭ, abjavy kleiŭ vyklučna na infarmacyjnych stendach, a pratakoł napisany z parušeńniami, bo proźviščy
«Pa sutnaści skarha nie była razhledžana, — tłumačyć advakatka Łarysa Atamančuk. — My abskardžvali fakt składzienaha pratakoła, a nam dasłali admovu z tłumačeńniami paradku abskardžańnia pastanovy (jakoj na toj momant jašče nie było navat). Ciapier pastanova ŭžo pryniataja i my jaje budziem abskardžavać u adviedzienym paradku».
Siońnia, 6 maja, administracyjnaja kamisija horada Rečyca, pa miescy rehistracyi Mikałaja, razhladzieła pratakoł i nie źviarnuła nijakaj uvahi na skarhi. Junaka pryznali vinavatym u psavańni fasadaŭ damoŭ i aštrafavali na 20 bazavych vieličyń (700 tys. rubloŭ).
