Biuleteni padličanyja i ŭpakavanyja — samy čas rassłabicca? Na sajcie euravitebsk.org źjaviłasia videa, na jakim, jak śćviardžaje redakcyja sajtu, pakazana hulanka, jakuju zładziła vybarčaja kamisija ŭ Čašnikach paśla padliku hałasoŭ na parłamienckich vybarach 2008 h.
Miž inšym, sajtu ŭžo pačali pahražać sudom za publikacyju hetaha videa. Sprava ŭ tym, što čałavieka ŭ ružovaj kašuli, jaki zuchavata adplasvaje, aŭtary sajtu euravitebsk.org identyfikavali jak pieršaha sakratara BRSM Čašnickaha rajona.
Redakcyja sajtu euravitebsk.org padkreślivaje, što maje ŭ svaim archivie poŭny videazapis hetaj viečarynki.
Dla infarmacyi: internet-staronka aktyvu Čašnickaha BRSM.