Zała suda Viarchoŭnaha suda poŭnaja. Mnohija pryjšli z kvietkami. Z palitykaŭ — Andrej Sańnikaŭ, Vital Rymašeŭski, Alaksandr Kazulin, Juraś Hubarevič, namieśnik kiraŭnika Ofisa OBSIE, pasoł Šviecyi ŭ Biełarusi Stefan Eryksan.
Pryjechała z Vaŭkavyska hrupa kalehaŭ pa firmie. Prysutničajuć pradstaŭniki dziaržtelekanałaŭ.
Tyja, chto nie prajšoŭ u zału, stajać zvonku. Śpiavajuć pieśni.
Prysud pačnuć abviaščać u 14:30.
***
Mikałaja Aŭtuchoviča, Uładzimira Asipienku i Alaksandra Łaryna abvinavačvajuć u padrychtoŭcy terarystyčnaha akta ŭ dačynieńni da namieśnika ministra pa padatkach i zborach Vasila Kamienki i byłoha staršyni Hrodzienskaha abłvykankama Uładzimira Saŭčanki. Aŭtuchoviča i Asipienku taksama abvinavačvajuć u arhanizacyi padpału doma eks-načalnika Vaŭkavyskaha RAUS Siarhieja Kacuby ŭ 2004 hodzie. Kazłoŭ, były kiraŭnik upraŭleńnia pa baraćbie z arhanizavanaj złačynnaściu pa Hrodzienskaj vobłaści, abvinavačvajecca ŭ tym, što viedaŭ pra płany padrychtoŭki terakta, ale nie sprabavaŭ jaho praduchilić.
16 krasavika prakuror Eldar Safaraŭ zapatrabavaŭ pryhavaryć Aŭtuchoviča da 20 hadoŭ kałonii ŭzmocnienaha režymu z kanfiskacyjaj majomaści, Asipienku i Łaryna — da 11 hadoŭ kałonii ŭzmocnienaha režymu. Dla Kazłova jon zapytaŭ try hady kałonii ahulnaha režymu biez prava zajmać kirujučyja pasady.
