Pravaabaronca Valancin Stefanovič prakamientavaŭ dziejańni siabroŭ vybarčaj kamisijaj u Čašnikach, jakija stali hierojami skandalnaha videa.
U Siecivie źjaviłasia skandalnaje videa, zroblenaje paśla padliku hałasoŭ na parłamienckich vybarach 2008 h. na adnym z vybarčych učastkaŭ u Čašnikach. Sajtu, jaki pieršym źmiaściŭ videa, užo pačali pahražać sudom za «ŭmiašańnie ŭ asabistaje žyćcio».
NN paprasiła jurysta Valancina Stefanoviča prakamientavać vypadak u Čašnikach. Najpierš spadar Stefanovič adznačyŭ, što
fakty adznačeńnia kamisijami zakančeńnia vybarčych kampanij nosiać masavy charaktar, faktyčna možna kazać pra biełaruskuju vybarčuju tradycyju.Pravaabaronca ćvierdzić, što bačyŭ padobnaje ŭ časie roznych vybarčych kampanij na ŭłasnyja vočy.
Adkazvajučy na pytańnie pra jurydyčny aśpiekt takich śviatkavańniaŭ, sp. Stefanovič zaznačyŭ, što paśla zaviaršeńnia vybaraŭ, to bok paśla padliku hałasoŭ, čalcy kamisii aŭtamatyčna stračvajuć svaje paŭnamoctvy. Ale heta nie vyzvalaje ich ad adkaznaści, najpierš administracyjnaj, za svaje nastupnyja za padlikam hałasoŭ dziejańni na terytoryi vybarčaha ŭčastka.
Vybarčy ŭčastak — heta hramadskaje miesca, padkreśliŭ juryst, a tamu raśpićcio śpirtnych napojaŭ na jaho terytoryi źjaŭlajecca administracyjnym parušeńniem. Heta taksama i parušeńnie Dyrektyvy №1 «Ab mierach pa ŭmacavańni hramadskaj biaśpieki i dyscypliny», zhodna jakoj užyvańnie śpirtnoha na pracoŭnym miescy zabaronienaje, u tym liku i paśla zakančeńnia pracoŭnaha dnia.
Kali sprava ŭsio ž dojdzie da sudovaha raźbiralnictva, to pradstaŭleny na razhlad suda videarolik moža być vykarystany dla acenki dziejańniaŭ źniatych u im piersanažaŭ.