Deficyt respublikanskaha biudžetu za studzień – krasavik 2010 hoda skłaŭ 1,3 trłn rubloŭ, paviedamlaje Ministerstva finansaŭ Biełarusi. Pa vynikach pieršaha kvartała hety pakazčyk skłaŭsia ŭ sumie 477,9 młrd rubloŭ. Pa vynikach hoda deficyt respublikanskaha biudžetu moža skłaści 3,6 trłn rubloŭ.
Dachody za čatyry miesiacy 2010 hoda skłalisia ŭ sumie 9,2 trłn, abo 25,8% hadavoha płana. Padatku na prybytak pastupiła 1 trłn rubloŭ (28,6%). Za studzień-krasavik 2010 hoda ŭ respublikanski biudžet pastupiła PDV na sumu 3,1 trłn rubloŭ (24,8%). Akcyzy skłaŭ 1,2 trłn rubloŭ (26,7%). Padatkovyja dachody ad źniešnieekanamičnaj dziejnaści pastupili na sumu 2,1 trłn rubloŭ (21,2%).
Pa stanie na 1 maja 2010 h. suma daŭhoŭ płacielščykaŭ pierad biudžetam skłała 98 młrd rubloŭ, što na 39,4 młrd rubloŭ bolš u paraŭnańni z 1 studzienia 2010 hoda.
Vydatki respublikanskaha biudžetu za studzień – krasavik 2010 hoda skłali 10,5 trłn rubloŭ, abo 26,7% hadavoha płana. Ź ich na finansavańnie sacyjalnaj śfiery (sacyjalnaja palityka, adukacyja, achova zdaroŭja, fizičnaja kultura, sport, kultura i srodki masavaj infarmacyi) nakiravana 1,9 trłn rubloŭ (30,5% hadavoha płanu), nacyjanalnaj ekanomiki – 3,6 trłn rubloŭ (27,8%), vydatki na ahulnahramadskuju dziejnaść skłali 3,7 trłn rubloŭ (23,6%).
