Leta-2010 ŭ Jeŭropie stanie rekordna śpiakotnym za ŭsiu sučasnuju historyju mieteanazirańniaŭ. Z takim prahnozam vystupili navukoŭcy z Nacyjanalnaha ŭpraŭleńnia ZŠA pa aeranaŭtycy i daśledavańniach kaśmičnaj prastory (NASA).
«Za apošnija 12 miesiacaŭ siaredniesutačnaja tempieratura atmaśfiery Ziamli była samaj vysokaj za ŭsie papiarednija 130 hadoŭ, – paviedamiŭ kiraŭnik rabot prafiesar Džejms Chans. – A za studzień-krasavik 2010 hoda tempieratura ŭščylnuju nabliziłasia da absalutnych rekordnych pakazčykaŭ.
Matematyčnyja madeli pakazvajuć, što tempieratura budzie raści ŭ nastupnyja miesiacy, i ŭsim nam ŭ Paŭnočnym paŭšarji treba pieražyć samaje śpiakotnaje leta za ŭsiu historyju sučasnych mietearałahičnych nazirańniaŭ».
Pavodle vysnovaŭ navukoŭcaŭ, haračaje nadvorje źjaŭlajecca śledstvam źmianieńniaŭ u ruchu ciopłych ciačeńniaŭ Cichaha akijana, jakija spryjajuć uźniknieńniu klimatyčnaha fienomienu, viadomaha jak «El-Nińjo». Sioleta Cichi akijan vydzialaje značna bolš ciapła, čym zvyčajna, što viadzie da razahrevu nižnich słajoŭ atmaśfiery Ziamli.
0
0
0
0
0
0
