Paśla źniknieńnia z vulic Minska kijoskaŭ pakupniki byli vymušanyja źviarnuć svaju ŭvahu na rynki i supiermarkiety. U pierśpiektyvie kryž budzie pastaŭleny i na rynkach stalicy.
Zialonaje śviatło zaharełasia tolki pierad ułaśnikami vialikaha biznesu.Vialiki biznes — vialikija hrošy. Uładalniki hipiermarkietaŭ radasna pacirajuć ruki — ich aŭdytoryja pavialičvajecca pastajanna. I heta niahledziačy na toje, što cenaŭtvareńnie ŭ biełaruskich hipiermarkietach pryncypova adroźnivajecca ad zachodnich. U Jeŭropie i Amierycy hipiermarkiety -- značycca, nizkija ceny. U našaj krainie ceny adroźnivajucca nieistotna, a sapraŭdnych źnižak amal nie znojdzieš.
Pravalenaja prahrama
U siaredzinie 2006 hoda biełaruski ŭrad zaćvierdziŭ prahramu raźvićcia ŭnutranaha handlu krainy na 2006–2010 hady. Termin vykanańnia prajekta padychodzić da svajho łahičnaha zaviaršeńnia, ale jahonyja asnoŭnyja pałažeńni dalokija ad realizacyi. «Pieršy nakirunak raźvićcia roźničnaj handlovaj sietki — uzbujnieńnie pamieraŭ kram za košt budaŭnictva i adkryćcia hipier- i supiermarkietaŭ i handlovych centraŭ.
U 2010 hodzie kolkaść kramaŭ z handlovaj płoščaj bolšaj za 1000 kvadratnych mietraŭ pavinna składać 116 adzinak», — havaryłasia ŭ prahramie.Hipiermarkiety musili źjavicca ŭ kožnym abłasnym centry Biełarusi, a ŭ ideale i ŭ kožnym rajonie Minska. Ideja pravaliłasia, u pieršuju čarhu, u rehijonach.
Što takoje hipiermarkiet?
Varta ŭnieści jasnaść u aznačeńni.
Hipiermarkietam ličycca krama z handlovaj płoščaj bolšaj za 5000 kvadratnych mietraŭ i asartymientam tavaraŭ, jaki naličvaje bolš za 40 tysiač najmieńniaŭ.Śpis biełaruskim kramaŭ, jakija adpaviadajuć pryviedzienym pakazčykam, składaje ŭsiaho 10 adzinak. Absalutnaja bolšaść ź ich — 7 — znachodziacca ŭ stalicy.
Tyja, chto zdoleŭ zapuścić biznes, apynulisia ŭ zołacie. Chto ž vałodaje najbujniejšymi kramami krainy, abarot jakich składaje dziesiatki miljardaŭ rubloŭ štomiesiac? Dastatkova skazać, što siaredni košt čeka ŭ hipiermarkiecie składaje 60–65 tysiač rubloŭ.
Mahnaty XXI stahodździa
 |
«Prastor»
Sietka hipiermarkietaŭ «Prastor» naličvaje ŭžo try kramy. Usie jany znachodziacca na vyjezdach ŭ Minsku pa adrasach Dziaržynskaha, 126, Partyzanski praśpiekt, 182 i Ubareviča, 176. Dźvie apošnija byli adkrytyja zusim niadaŭna, zimoj i viasnoj 2010 hoda. Kožny z hipiermarkietaŭ paraŭnalna nievialiki, z płoščaj pa 6–8 tysiač kvadratnych mietraŭ.
Kantrolnym pakietam akcyj «Prastormarkiet» vałodaje rasijskaja kampanija «Siomy kantynient». U 2006 hodzie jana vykupiła 50% akcyj u «Trajpła» biełaruskaha biznesoŭcy Juryja Čyža. Praź niekatory čas rasijanie dapłacili $5 miljonaŭ i pavialičyli svaju dolu da kantrolnaj.
Takim čynam Čyž i «Trajpł» zachavali 49% akcyj. Uładalnik «Siomaha kantynienta» rasijski aliharch Alaksandr Zanadvoraŭ maje 38% akcyj «Prastora»,jašče 13% akcyj skancentravany ŭ rukach inšych rasijskich akcyjanieraŭ.
 |
«Bihz»
Pieršym biełaruskim hipiermarkietam BIGZZ (Bihz) vałodaje STAA «Banijar». Kampanija była zasnavana ŭ 2004 hodzie i raniej zajmałasia prodažam polskaha adzieńnia i abutku. Krama znachodzicca na skryžavańni Łahojskaha trakta i MKADa, jurydyčna adnosicca da Minskaha rajona i, adpaviedna, płacić padatki ŭ rajonny biudžet.
Terytoryju davodzicca arandavać u ZAT «Vystavačny centr «Akvabieł». Staršynia schodu akcyjanieraŭ kampanii — były navukoŭca i supracoŭnik BDATU Piatro Sinkievič. Darečy, «Akvabiełu» naležyć i parkoŭka kala hipiermarkieta.
 |
«Hipa»
Hipiermarkiety GIPPO («Hipa»), simvałam jakich źjaŭlajecca simpatyčny aranžavy hipapatam, majuć pradstaŭnictvy ŭ Minsku i Mahilovie. Staličny adras — praśpiekt Rakasoŭskaha, 2. Rehijanalny — Maŭčanskaha, 6. Aproč taho, u Minsku pracuje šerah sietkavych supiermarkietaŭ.
«Hipa» — adzin z profilaŭ anhlijskaha zamiežnaha pradpryjemstva «BiełVilesden». Jahonym kiraŭnikom źjaŭlajecca Aleh Baranoŭski. Siarod inšych jahonych intaresaŭ kampanija «Biełchimenierha», jakaja pradastaŭlaje elektramantažnyja pasłuhi, i pastaŭki morapraduktaŭ z «Akvapramresurs».
 |
«Karona»
Jašče adzin brend, jaki vyjšaŭ za miežy Minska, — hipiermarkiet «Karona». Krama pad takoj šyldaj užo adkryłasia ŭ Breście (vuł. Maskoŭskaja, 210), u bližejšy čas čakajecca i pačatak pracy ŭ Babrujsku. U stalicy hipiermarkiet znachodzicca ŭ centry horada pa adrasie Kalvaryjskaja, 24. Płošča minskaha abjekta — 18,5 tysiač kvadratych mietraŭ. Na terytoryi znachodzicca jašče i supiermarkiet
Uładalnikam paśpiachovaha biznesa źjaŭlajecca
Biznes uznačalvajuć staršynia praŭleńnia vychadziec z Hruzii Pavieł Tapuzidzis i dyrektar Viktar Piatrovič.
Minski i brescki hipiermarkiety «Karona» nie treba błytać z adnajmiennym handlovym centram u Hrodna, jaki naležyć Łazaru Nisajevu.
 |
«Jeŭraopt»
Hipierdyskaŭntner «Jeŭraopt», jak i «Bihz», adnosicca da terytoryi Minskaha rajona, bližej da hrodzienskaha vyjezdu z horada. Adras — Mantažnikaŭ, 2. Płošča — 11 tysiač kvadratnych mietraŭ. Da kramy chodziać biaspłatnyja aŭtobusy ad Kamiennaj Horki i mikrarajona Brylevičy. Heta pieršaja hipierkrama ŭ Biełarusi, jakaja pracuje pa pryncypie «najmienš siervisu — najmienšyja ceny». Kramy mienšaha pamieru pradstaŭlenyja ŭ Minsku, Hrodna, Mahilovie, Mazyry i inšych haradach.
Uładalnik biznesa, kampanija «Jeŭrahandal» viadzie svaju historyju ažno z 1993 hodu. Jaje roskvit prychodziŭsia na čas kiravańnia Siarhieja Litvina. Biznesoŭca kantralavaŭ Minski zavod vinahradnych vin i Minski mielkambinat. Paśla taho, jak suprać Litvina i jaho partniora Vasilkova ŭ 2003 hodzie była zaviedziena kryminalnaja sprava, jany vyjechali ŭ emihracyju ŭ Polšču. Abvinavačvańni ź ciaham času byli źniatyja, ale ŭ Biełaruś biznesoŭcy nie viarnulisia. Ciapierašnim kiraŭnikom «Jeŭratorha» źjaŭlajecca Andrej Zubkoŭ.
 |
«Ałmi»
Hrodzienski hipiermarkiet «Ałmi» (vulica Kasmanaŭtaŭ, 81) naležyć rasijskamu biznesu — kampanii «Viktoryja», ale maje biełaruskaje adcieńnie.Reč u tym, što suŭładalnik rasijskaj kampanii Alaksandr Zarybka, jaki jakraz zajmajecca raźvićciom sietki kram AŁMI, naradziŭsia ŭ Pinsku. Hipiermarkiet pad karparatyŭnymi zialonymi kolerami pracuje ŭsiaho adzin, ale mienšyja kramy funkcyjanujuć u Minsku, Pinsku, Oršy i inšych biełaruskich haradach.
