Biełaruskaja partyja «Zialonyja» vysunuła ŭ kandydaty Juryja Hłušakova z Homiela.

Biełaruskaja partyja «Zialonyja» vysunuła ŭ kandydaty Juryja Hłušakova z Homiela.

 Prahramu prezientavali Dźmitry Kučuk, Jury Hłušakoŭ i Aleh Novikaŭ.

Prahramu prezientavali Dźmitry Kučuk, Jury Hłušakoŭ i Aleh Novikaŭ.

 Hościem prezientacyi byŭ hienierał Frałoŭ, jaki taksama zajaviŭ pra svaje prezidenckija ambicyi.

Hościem prezientacyi byŭ hienierał Frałoŭ, jaki taksama zajaviŭ pra svaje prezidenckija ambicyi.

Ale pieramovy z Alaksandram Milinkievičam praciahvajuć.

U paniadziełak 31 traŭnia ŭ minskim hateli «Crown Plaza» Biełaruskaja partyja «Zialonyja» pradstaviła svajho kandydata ŭ prezidenty. Im staŭ pieršy namieśnik staršyni partyi 43-hadovy Jury Hłušakoŭ. Sustreča pačałasia sa zhadki pra minułuju prezidenckuju kampaniju, kali «zialonyja» vysunuli svaim kandydatam Milinkieviča. Sioleta, pa słovach pradstaŭnikoŭ «zialonych», pa šerahu pryčyn pracedura abrańnia adzinaha sarvałasia. Tamu partyja vyrašyła iści na vybary samastojna, vyłučyŭšy svajho kandydata. Ale na Milinkieviča tut usio adno nie zabyvajucca. Adkazvajučy na pytańnie, z kim partyja «Zialonych» hatovaja ŭstupić u kaalicyju, Jury Hłušakoŭ zajaviŭ, što partyja praciahvaje pieramovy z Alaksandram Milinkievičam.

Kažučy pra mahčymaści partyi, kandydat ad «zialonych» padkreśliŭ, što hałoŭny ich resurs — heta ludzi. «My ŭśviedamlajem, što budzie ciažka, ale raźličvajem na našych paplečnikaŭ. Majem struktury pa ŭsioj krainie. A hrošy — heta ŭžo druhi šerah. Hałoŭnaje — našy ludzi».

U «Crown Plaza» była prezientavanaja prahrama kandydata ad «zialonych». Asnoŭnymi pryncypami svajoj novaj palityki partyja nazvała sacyjalnuju spraviadlivaść, ekałahičnuju biaśpieku i samakiravańnie. Samakiravańnie — asnoŭny sposab dasiahnieńnia pastaŭlenych partyjaj zadač, zajaviŭ Hłušakoŭ. Na samakiravańni rabiŭ akcent na svajoj Aleś Michalevič, jaki pradstaviŭ svaju prahramu ŭ Ratušy 27 traŭnia. Jon pryjšoŭ i na prezientacyju prahramy «zialonych». Byŭ i hienierał Valer Frałoŭ, jaki taksama zajaviŭ pra svaje prezidenckija ambicyi.

Prahrama «zialonych» pakul nie maje akreślenaha słohana, ale ŭ im abaviazkova buduć prysutničać słovy «svaboda» i «spraviadlivaść», adznačyŭ Hłušakoŭ. Jon akreśliŭ koła najvažniejšych pytańniaŭ, jakija buduć vyrašanyja ŭ vypadku abrańnia jaho prezidentam. Heta likvidacyja kłanavaści i kumaŭstva va ŭładzie. Pierachod da pryncypaŭ samakiravańnia, što daść mahčymaść realizavacca ŭ palitycy, ekanomicy i hramadskim žyćci kožnamu hramadzianinu krainy. Budzie likvidavanaja kantraktnaja sistema. «Zialonyja» źviartajuć uvahu na imklivaje rassłajeńnie na biednych i bahatych, na adstavańnie rehijonaŭ ad stalicy pa jakaści žyćcia, składanuju demahrafičnuju situacyju. «Chutka ŭ Biełarusi budzie žyć dva narody, zamiest adnaho», — sumna pažartavaŭ kandydat ad partyi «Zialonych».

«Zialonyja» kateharyčna suprać pabudovy AES u Biełarusi. Akramia taho jany źviartajuć uvahu na niebiaśpieki šyrokaha vykarystańnia miascovych vidaŭ paliva, najpierš lasoŭ.

***

Jury Hłušakoŭ nar. u Homieli ŭ 1966 h. Skončyŭ BDU. U 1997-2005 hh. pracavaŭ navukovym supracoŭnikam u Homielskim abłasnym krajaznaŭčym muziei. U 2006-2009 hh. pracavaŭ vykładčykam u Homielski dziaržaŭnym miedycynskim univiersitecie. U 2003-2007 hh. byŭ niezaležnym deputatam Homielskaha haradskoha savieta deputataŭ. Pieršy namieśnik staršyni Biełaruskaj partyi «Zialonyja».

Aŭtar navukovych publikacyjaŭ i scenaroŭ dla navukova-papularnych filmaŭ na telekanale «Ład».

Udaviec, vychoŭvaje dačku.

U 1991 h. byŭ adnym z arhanizataraŭ Čarnobylskaha strajku ŭ Homieli. U tym ža hodzie ŭdzielničaŭ u abaronie «Biełaha domu» ŭ Maskvie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?