U Minsk pryjedzie Stynh 4

Biełaruskuju stalicu muzykant naviedaje z prahramaj Symphonicities, padrychtavanaj razam z brytanskim Karaleŭskim fiłarmaničnym arkiestram.

Pra kančatkovaje zaćvierdžańnie kancertu Stynha 18 vieraśnia ŭ «Minsk-Arenie»paviedamiŭ aficyjny sajt śpievaka.

Tur u padtrymku Symphonicities 58-hadovy vykanaŭca pačynaje 2 lipienia z kancertu ŭ Vankuviery, ciaham usiaho leta «simfaničnaha» Stynha pačujuć u šerahu inšych haradoŭ Paŭnočnaj Amieryki, a ź vieraśnia z vystupleńnia ŭ Osła startuje jeŭrapiejski tur. Pakul Minsk zastajecca adzinym horadam na postsavieckaj terytoryi ŭ hrafiku kancertaŭ.

Pierad pačatkam turu Stynh zajaviŭ, što ź nieciarplivaściu čakaje kancertaŭ z Karaleŭskim arkiestram. Dośvied vystupu ź inšymi symfaničnymi arkiestrami — Čykahskim i Fiładelfijskim jon nazyvaje samymi jaskravymi momantami ŭ svajoj karjery.

U prahramu Symphonicities uklučany asnoŭnyja chity muzykanta, jak z darobku The Police, tak i z solnaj tvorčaści.

Ź imiom Stynha ŭ apošni čas było źviazana dva skandały. Jaho zajava pra nieabchodnaść lehalizavać lohkija narkotyki vyklikała pratesty z boku arhanizacyj, što zmahajucca suprać raspaŭsiudu narkotykaŭ. Narakańni z boku hramadskaści vyklikaŭ vystup Stynha na pryvatnaj viečarynie prezidenta Uźbiekistana Isłama Karymava, jakoha ličać dyktataram.

0

0

0

0

0

0

Siarhiej Niatreba, partał navinaŭ UDF.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH