Razmovy pa mabilniku, pachod u kino, zališniaja maŭklivaść mohuć vam naškodzić.
Spatkańni — ceły śviet sa svaimi zakonami i rytuałami. Vosiem rečaŭ, jakich nie varta rabić da/padčas/paśla pieršaha spatkańnia.
1. Chłusić na sajcie znajomstvaŭ
Čałavieka, jaki daviedajecca, što vy schłusili, apanuje rasčaravańnie. Kažy praŭdu. My lepšyja za našy iluzii!
2. Iści ŭ kino
Pieršaje spatkańnie pryznačana dla znajomstva dvuch ludziej, a nie dla znajomstva z Saraj Džesikaj Parkier. Abodva baki prychodziać na pieršaje spatkańnie, kab vyjści ź jaho chacia b ź minimalnymi viedami pra druhi bok, kab vyznačycca nakont praciahu. Siadzieńnie pierad ekranam nie vyrašyć hetaj zadačy.
3. Razmaŭlać pa mabilniku
Akramia kiraŭnikoŭ dziaržavy i vyratavalnika śvietu doktara Chaŭza, usie astatnija ludzi mohuć dazvolić sabie čas ad času vyklučać mabilnik. Majecie surjoznyja namiery — vyklučcie mabiłu.
4. Nie kazać pry kancy spatkańnia pra svaje pačućci
Niepisanyja zakony spatkańniaŭ kažuć, što fraza «Dobrańka, stelefanujemsia» aznačaje, što nichto zvanić nie budzie. Naša parada: kali vam, praŭda, spadabałasia spatkańnie, skažycie pra heta. Heta dazvolić druhomu boku pačuvacca peŭniej. Da taho ž, u takim vypadku imhnienna adčujecie, ci vašyja pačućci ŭzajemnyja.
5. Imknucca da fizičnaj blizkaści i apranać adkrytaje adzieńnie
Kali vy marycie pra surjoznuju suviaź, nie śpiašajciesia sa zbližeńniem. Sačycie za druhim čałaviekam: słovy, žesty, pozirki skažuć vam, ci varta praciahvać.
6. Pytańnie apłaty rachunkaŭ
Kožny mužčyna pavinny ŭličyć, što niahledziačy na pašyreńnie fieminizmu ŭ našych krajach, bolšaść biełaruskich žančyn pa-raniejšamu čakaje, što na ich spatkańni raźličvacca budzie mienavita mužčyna. Ź inšaha boku, kali žančyna čakaje, što mužčyna budzie płacić, nie treba prychodzić na spatkańnie hałodnaj.
7. Zapaŭniać uvieś čas razmovami i nie davać druhomu boku adkryć rot
Jość šmat ludziej, jakija ad uschvalavanaści havorać i havorać. «Adnabakovyja» spatkańni buduć paviarchoŭnymi, bo tolki adzin z dvaich prezientuje siabie jak śled.
P.S.
8. Nikoli nie škadujcie, što pryjšli.
Vaša spatkańnie — cudoŭnaja mahčymaść sustreć kali nie vašu pałavinu, dyk prosta cikavaha čałavieka, abo pasłuchać adroznyja ad vašych pohlady na žyćcio.
