Hetych ludziej ličać «inšymi». Jany doŭhija hody (a niekatoryja — usio žyćcio) pravodziać bieź siamji, za ścienami śpiecyjalnych internataŭ. Našaje hramadstva stavicca da ludziej ź psichičnymi rasstrojstvami naściarožana, z bojaźziu, ci prosta abyjakava. Imknieńnie admiežavacca ad ludziej «z prablemami» pieravažaje. Razam z tym, ludzi, jakija pakutujuć na lohkuju i siaredniuju stupieni psichičnych rasstrojstvaŭ mozhu, mohuć znajści svajo miesca ŭ socyumie i adbycca jak adnosna niadrennyja śpiecyjalisty ŭ mnohich halinach čałaviečaj dziejnaści — kali hramadstva budzie hatovaje dać im šaniec.
Adnak, situacyja pakrysie źmianiajecca ŭ lepšy bok. 8 červienia pad Vilejkaj adbyŭsia mižnarodny futbolny turnir SeniCup 2010. Kamandy vychavancaŭ biełaruskich damoŭ-internataŭ zmahalisia za prava vyjści ŭ nastupny raŭnd spabornictvaŭ, jakija projduć u Polščy. Hetyja ludzi pakutujuć na lohkuju i siaredniuju stupieni psichičnych rasstrojstvaŭ mozhu. Futbolny čempijanat dla ich — vialikaje śviata, mahčymaść zavieści novyja znajomstvy, adčuć siabie paŭnavartasnaj častkaju hramadstva:
