15 červienia adkryjecca II Minskaje mižnarodnaje bijenale sučasnaha žyvapisu «COLORFEST»

15 červienia a 17-j hadzinie ŭ halerei «Rakurs» Nacyjanalnaj biblijateki Biełarusi adbudziecca ŭračystaje adkryćcio II Minskaj mižnarodnaj bijenale sučasnaha žyvapisu «COLORFEST».

Arhanizatarami mierapryjemstva vystupili Nacyjanalnaja biblijateka Biełarusi i hramadskaje abjadnańnie «Mižnarodnaja hildyja žyvapiscaŭ». Hałoŭny kuratar prajekta — mastak Fiodar Jastrab.

Minskaja mižnarodnaja bijenale sučasnaha mastactva «Colorfest» adbudziecca ŭ Nacyjanalnaj biblijatecy Biełarusi ŭžo druhi raz. Hety mastacki prajekt spryjaje stvareńniu stanoŭčaha imidžu Biełarusi na jeŭrapiejskaj mastackaj prastory, padtrymlivaje aŭtaraŭ, jakija stvarajuć raboty inavacyjnaj, artystyčnaj jakaści. «Colorfest» źjaŭlajecca demanstracyjaj tych vidavočnych źmien, jakija pad upłyvam štodzionnaj rečaisnaści adbyvajucca ŭ žyvapisie.

U hetym hodzie ŭdzieł u bijenale voźmuć mastaki ź Biełarusi, Ukrainy, Estonii, Łatvii, Litvy, Italii, Rasii i inš. Jany pradstaviać bolš za 140 rabot u roznaj technicy vykanańnia. Hanarovym hościem II Minskaj mižnarodnaj bijenale sučasnaha mastactva vystupić Rafael de Roza, italjanski mastak, uładalnik Hran-pry«Colorfest-2008». Jaho piersanalnaja vystaŭka raźmieścicca ŭ halerei «Panarama».

U miežach prajekta budzie arhanizavany konkurs, vyniki jakoha padviadzie aŭtarytetnaje Mižnarodnaje žury na čale z narodnym mastakom Biełarusi Haŭryiłam Vaščankam. Pieramožcam buduć uručany dypłomy.

Ekspazicyja «Colorfest» budzie razhornuta ŭ halerejach «Atryum», «Rakurs», «Łabirynt» i «Panarama». Vystaŭka praciahniecca da 13 žniŭnia.

0

0

0

0

0

0

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH