Jak raspaviała Intex-press haspadynia paciarpiełaj kvatery invalid pieršaj hrupy Halina Mikałajeva, u subotu dniom sa stoli jaje kuchni ručajom chłynuła vada. Kali vada pierastała licca, Halina Siarhiejeŭna, jakaja pierasoŭvajecca ź ciažkaściu z-za chvaroby, stała vycirać łužyny na padłozie.
«Tolki ja adyšła ź viadrom ad kuchonnaj stała, niečakana pačuŭsia taki mocny hrukat, byccam niešta vybuchnuła! — Uzhadvaje piensijanierka. — I prosta pierada mnoj na stoł upaŭ kavałak stoli. Ja cudam zastałasia žyvaja!»
U vyniku abrušvańnia mokraha tynku ŭ stoli ŭtvaryłasia pahłybleńnie taŭščynioj 1,5-2 sm i płoščaj kala 2 kvadratnych mietraŭ.
Jak patłumačyŭ susied Haliny Mikałajevaj, jaki žyvie ŭ kvatery źvierchu, u toj dzień u jaho pačała ciačy batareja.
«U avaryjnuju słužbu ŭ vychadnyja dni nie datelefanavacca, — skazaŭ piensijanier, — i ja vyrašyŭ sam padkrucić hajku, ale jaje sarvała, i vada chłynuła na padłohu».
Piensijanier nie admaŭlaje svajoj viny i zhodny adramantavać susiedcy stol, adnak upeŭnieny, kali b ŽESaŭskija rabotniki svoječasova sačyli za stanam kamunikacyj u domie, to takoj avaryi nie adbyłosia b. U jaho vyklikaje sumnieŭ jakaść adździełačnych rabot u domie, pry jakich z-za papadańnia vilhaci advalvajucca kavałki tynkoŭki.
Svajaki Haliny Siarhiejeŭny źviarnulisia ŭ ŽES, tam paabiacali stvaryć kamisiju, jakaja vyśvietlić pryčyny taho, što zdaryłasia, składzie akt abśledavańnia i vyznačyć pamiery naniesienaj škody.
