«Our grain field», abo «Biełaruski hadavik 2009» 8

U Minsku adbyłasia jaho prezientacyja.

«Biełaruski hadavik» — heta tradycyjnaja štohadovaja kalektyŭnaja akcyja ekśpiertna-analityčnaj supolnaści Biełarusi, jakaja maje vynikam svojeasablivy letapis najnoŭšaj historyi krainy.

U pracy nad vydańniem pryniali ŭdzieł analityki ź Biełaruskaha instytuta stratehičnych daśledavańniaŭ, Instytuta palityčnych daśledavańniaŭ «Palityčnaja śfiera», daśledčaha centra Instytuta pryvatyzacyi i mieniedžmientu, Ahienctva humanitarnych technałohij — Centra sacyjalnych inavacyj, Łabaratoryi aksijamietryčnych daśledavańniaŭ NOVAK, Niezaležnaha instytuta sacyjalna-palityčnych i ekanamičnych daśledavańniaŭ, Centra ŭschodnich daśledavańniaŭ (Varšava), analityčnaha centra «Paleski fond mižnarodnych i rehijanalnych daśledavańniaŭ (Čarnihaŭ), daśledčaha centra eBelarus.

Aŭtarami artykułaŭ stali Vital Silicki, Andrej Kazakievič, Juryj Čavusaŭ, Natalla Vasilevič, Maksim Žbankoŭ dy inš.

Najbolšaj vartaściu štohodnika ŭjaŭlajecca prysutnaść u im novych, maładych aŭtaraŭ: siarod ich Źmicier Kuchlej, Źmicier Kruk, Siarhiej Bohdan.

Aznajomicca sa źmiestam vydańnia ŭ chutkim časie možna budzie na sajcie Biełaruskaha instytuta stratehičnych daśledvańniaŭ.

Varta adznačyć, što vyjšaŭ hety «letapis» u dvuchmoŭnaj viersii: pa-rasiejsku i pa-biełarusku. Bolšaść tekstaŭ — pa-rasiejsku, tamu i na vokładcy tolki rasiejskaja mova. Zatoje isnuje i anhielskaja viersija.

Na prezientacyi «Hadavika» pa-biełarusku vystupaŭ adzin d-r Vital Silicki. Astatnija karystalisia rasiejskaj movaj.

Pra jakaść ža anhłamoŭnaj viersii śviedčyć toj fakt, što «Našu Nivu» ŭ joj fihuruje jak «Our grain field».

0

0

0

0

0

0

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH