Miescami — da plus 32.
U hetyja vychadnyja dni Biełaruś budzie znachodzicca pad upłyvam aktyŭnych atmaśfiernych frantoŭ, jakija pryjšli z Zachodniaj Jeŭropy.
Hetaj nočču pa paŭdniovym zachadzie, a dniom na bolšaj častcy terytoryi krainyi projduć daždžy, u asobnych rajonach prahrymiać navalnicy.
Dniom pa Bresckaj i Hrodzienskaj abłaściach miescami čakajucca mocnyja daždžy.
Viecier paŭdniova‑ŭschodni, ad 5 da 10 mietraŭ za siekundu, z paryvami da 14 mietraŭ za siekundu. Dniom u asobnych rajonach skoraść vietru ŭzmocnicca da 15‑20 mietraŭ za siekundu. Tempieratura pavietra nočču składzie 10‑17 hradusaŭ vyšej za nul.
Dniom prahnazujecca 16‑22 hradusy ciapła, pa ŭschodzie pavietra prahrejecca da 26 hradusaŭ.
Prykładna takim ža čakajecca nadvorje ŭ niadzielu, 20 červienia. Tempieratura pavietra nočču składzie 12‑18 hradusaŭ ciapła. Dniom budzie 18‑24 hradusy vyšej za nul, pa ŭschodniaj pałovie krainy — plus 25‑30 hradusaŭ.
U pačatku nastupnaha tydnia ŭzmocniacca paŭdniova‑ŭschodnija viatry, ź jakimi ŭ Biełaruś pačnie pastupać vielmi ciopłaje pavietra z poŭdnia jeŭrapiejskaj častki Rasii.
Tempieratura pavietra ŭ načny čas až da čaćviarha, 24 červienia, čakajecca 13‑20 hradusaŭ ciapła.
Dniom pavietra prahrejecca da 22‑29 hradusaŭ, pa ŭschodzie krainy — 30‑32 hradusaŭ.
Miescami buduć prachodzić karotkija letnija daždžy z navalnicami.
