«Hazprom» maje zapazyčanaść pierad Biełaruśsiu za tranzit rasijskaha hazu ŭ Zachodniuju Jeŭropu na sumu kala $200 młn – stolki ž, u kolki Rasija aceńvaje zapazyčanaść Minska za pastaŭki «błakitnaha paliva»,
zajaviŭ pieršy namieśnik ministra enierhietyki Biełarusi Eduard Taŭpianiec.
«Za tranzit na siońniašni dzień, pavodle našych raźlikaŭ, «Hazprom» vinien krychu bolš za $200 młn», – skazaŭ Taŭpianiec u efiry Pieršaha nacyjanalnaha telekanała (BT).
Pavodle jaho słovaŭ, Minenierha Biełarusi atrymała siońnia telehramu ad «Hazproma», dzie havorycca pra toje, što ŭ vypadku niavypłaty doŭhu «Biełtranshaza» pierad «Hazpromam» za pastaŭleny haz, pastaŭki hazu ŭ Biełaruś buduć abmiežavanyja na 85% ad limitu červienia.
«Pytańnie takoha hłybokaha abmiežavańnia moža začapić i pytańni tranzitu», – zajaviŭ namieśnik ministra.
