ZŠA, 2010, kalarovy, 124 chv.
Režysior: Devid Słejd
Roli vykonvajuć: Krysten Ściuart, Robert Pecisan, Tejłar Łotner, Bili Berk, Ešli Hryn, Džeksan Retboŭn
Žanr: Padletkavaja mylnaja opiera, zamaskavanaja pad film žachaŭ
Adznaka: 4 (z 10)
Sietł achopleny masavymi zabojstvami. Pomślivaja vampirka źbiraje armiju, kab pakarać dziaŭčynku Bełu i jejnaha siabra Edvarda Kalena. A hierainia ŭ ciažkim rozdumie: chto padabajecca joj bolej — arystakratyčny vampir Edvard ci muskulisty vaŭkałak Džejkab?
Treciaja častka «Pryciemak» — čarhovy nakrotyk dla ramantyčnych dziaŭčynak.Papularnaść sahi abaviazanaja žanru mylnaj opiery. Z mylnaj opiery — uzdychi, ślozy i doŭhija razvahi pra toje chto kaho lubić. Što jon skazaŭ? A što jana padumała? A što jon skazaŭ na toje, što jana padumała?
Mistyčnyja hieroi ź piaščotaj čytajuć dziavočyja dumki, adhadyvajuć usie jejnyja śnieńni. Udarnaja scena: napaŭaholeny Džejkab sahravaje hierainiu svaim ciełam, a arystakrat Edvard raspaviadaje, što nie moža biez hieraini žyć.
Usie zakałoty, hutarki, vojny — vakoł dziaŭčynki j jejnych pačućciaŭ.
Ale sakret sahi ŭ tym, što hierainia — pustoje miesca, zalulanaje ciomnymi siłami.Vydatnaja nahoda hladačkam zaniać vakansiju.
