Biez vykanańnia peŭnych umovaŭ Rasieju hety prajekt nie cikavić.

Maskva admoviłasia padpisvać ź Mienskam pahadnieńnie ab budaŭnictvie pieršaj biełaruskaj AES da stvareńnia sumiesnaha pradpryjemstva, jakoje budzie pradavać elektraenierhiju z AES, paviedamlaje «Interfaks». Raniej biełaruskaje kiraŭnictva zajaŭlała, što pakiet pahadnieńniaŭ ab zbudavańni AES budzie padpisany da kanca lipienia 2010 hoda.

Sprečka ŭźnikła vakoł doli va ŭłasnaści budučaj AES. Rasieja choča atrymać u zbytavym SP nie mienš za pałovu, kab atrymlivać bolšuju častku zysku ad AES. Biełaruś spadziavałasia zbudavać AES za košt rasiejskaha kredytu. Košt budoŭli moža skłaści navat 10 młrd dalaraŭ. Skažam, novaja AES u litoŭskaj Ihnalinie budzie kaštavać 16 młrd dalaraŭ. Praŭda, jaje buduć budavać pa bolš sučasnaj technałohii.

«Pytańnie dolaŭ bakoŭ u pradpryjemstvie moža być pradmietam abmierkavańnia, ale terminy jaho stvareńnia, na jakich nastojvaje rasiejski bok, nieprymalnyja», - śćviardžaje krynica ahienctva va ŭradzie Biełarusi.

Krynica taksama dadała, što Biełaruś prapanavała rasiejskim partnioram pabudavać treci błok AES, jaki pracavaŭ by tolki na ekspart i źjaŭlaŭsia ŭłasnaściu rasiejskaha boku.

Adnak Rasieja hetuju prapanovu adchiliła.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?