Biełaruskaja apazicyja prapanuje prezidentu Alaksandru Łukašenkie padpisać Dekłaracyju ab dziaržaŭnym suvierenitecie Biełarusi.20-hadoŭ tamu dziejučy kiraŭnik dziaržavy ŭ jakaści deputata Viarchoŭnaha Savieta ŭžo hałasavaŭ za hety dakumient.
Adnak, na dumku staršyni Abjadnanaj hramadzianskaj partyi Anatola Labiedźki, zaraz pryjšoŭ čas usim byłym deputatam zrabić heta jašče raz:
— Ja dumaju, što z pazicyi siońniašniaha dnia treba prosta kanstatavać, što ŭ dekłaracyi jość baćki, heta tyja deputaty, jakija łabiravali pryniaćcio dekłaracyi, jakija hałasavali za dekłaracyju, — voś jany i jość kalektyŭnym baćkam. Baćkoŭ nie vybirajuć — jany takija, jakija jość. Da hetych ludziej pavinna być peŭnaja pavaha i pašana, tamu što jany jurydyčna aformili adnaŭleńnie Biełarusi jak niezaležnaj demakratyčnaj krainy.
Pry hetym Anatol Labiedźka ličyć, što Alaksandr Łukašenka naŭrad ci pahadzicca ŭziać udzieł u hetaj akcyi. Bo ŭ jakaści prezidenta nie pažadaje stavić svoj podpis pobač z aŭtohrafami byłych deputataŭ, tym bolš apazicyjanieraŭ.
