Aktyvista «Maładoha frontu» Stanisłava Ramanoviča pryzvali ŭ vojska. Słužyć jon budzie pad Mienskam u vojskach specyjalnaha pryznačeńnia.
Uviesnu Stanisłava Ramanoviča adličyli z Mahiloŭskaha dziaržaŭnaha ŭniversytetu imia Kulašova. Jon śćviardžaje, što z palityčnych matyvaŭ, bo zajmaŭsia hramadzkaj dziejnaściu j hetaha nie chavaŭ.
Napiaredadni zimovaj sesii da jaho prychodzili pradstaŭniki Kamitetu dziaržaŭnaj biaśpieki i nastojvali, kab toj chłopiec supracoŭničaŭ ź imi. Ramanovič admoviŭsia. Nieŭzabavie jaho adličyli z universytetu.
U rektaracie śćviardžajuć, što pryčyna adličeńnia — kiepskaja vučoba. Va ŭniversytecie pryznajuć fakt hutarki z chłopcam supracoŭnikaŭ KDB.
Paśla adličeńnia z universytetu Stanisłaŭ Ramanovič straciŭ adterminoŭku ad słužby.
