Sud Zavodskaha rajona Minska prysudziŭ da 14 hadoŭ pazbaŭleńnia voli muža za zabojstva žonki, doktarki dziciačaj palikliniki.
Adbyvać pakarańnie jon budzie ŭ vypraŭlenčaj kałonii va ŭmovach ŭzmocnienaha režymu, paviedamili ŭ Hienieralnaj prakuratury Biełarusi.
Zabojstva adbyłosia 6 listapada ŭ padjeździe doma pa vuł. Nieścierava.
Śledstva ŭstanaviła, što pa darozie dadomu pamiž mužam i žonkaj adbyłasia svarka na hlebie reŭnaści. Žonka vinavaciła muža ŭ zdradzie. U padjeździe muž niekalki razoŭ udaryŭ žonku hałavoj ab mietaličnyja ŭvachodnyja dźviery. Ad traŭmaŭ 31-hadovaja žančyna pamierła na miescy.
Mužčyna sprabavaŭ schavać svaju datyčnaść da zabojstva i, kab zrabić alibi, pajšoŭ u kramu. Viarnuŭšysia na miesca zdareńnia, jon vyklikaŭ milicyju, paviedamiŭšy, što nieviadomyja zabili jaho žonku i skrali mabilny telefon.
U chodzie śledstva datyčnaść abvinavačanaha da ŭčynieńnia zabojstva była całkam ŭstanoŭlena i dakazana. Prysud suda ŭstupiŭ u zakonnuju siłu.
U siamji zastalisia dvoje dzietak — čatyroch i dzieviaci hadoŭ.
