Haspadarki Biełarusi ŭbrali amal pałovu ŭradžaju ziernievych. Pa stanie na ranicu 30 lipienia ziernievyja i zierniebabovyja kultury ŭbrany z płoščy 1.200,4 ha, što składaje 49,3% ad płana, paviedamlaje Ministerstva sielskaj haspadarki i charčavańnia.
Usiaho sielhaspradpryjemstvami namałočana 3 młn. 711,4 tys. ton ziernievych i zierniebabovych pry siaredniaj uradžajnaści 30,9 c/ha. Lideram pa ahulnym vałavym zbory ziernia źjaŭlajecca Minskaja vobłaść, dzie namałočana 815 tys. ton ziernia. Dalej iduć Mahiloŭskaja vobłaść — 674,7 tys. ton, Homielskaja — 641,2 tys., Bresckaja — 584,8 tys., Hrodzienskaja — 562,7 tys. i Viciebskaja — 432,3 tys. ton.
U lik dziaržzakazu pastaŭlena 400,6 tys. ton ziernia novaha ŭradžaju, ci amal 40,5% ad płana. Pa tempach vykanańnia dziaržzakazu lidzirujuć haspadarki Homielskaj vobłaści — jany pieradali ŭ lik dziaržavy 78,9 tys. ton ziernia (56,3% da zadańnia).
Razam z uboračnaj kampanijaj praciahvajucca raboty i pa narychtoŭcy travianych karmoŭ. Užo narychtavana 3 młn. 650 tys. ton karmavych adzinak, ci 57,4% zadańnia. U cełym pa krainie narychtavana 1 młn. 125,5 tys. ton siena (95,5% płana), 9 młn. 875,6 tys. ton sienažu (111,5%), 1 młn. 578 tys. ton siłasu (10%).
