30 lipienia zaviaršyłasia adpraŭka va Uzbrojenyja siły i inšyja vajskovyja farmiravańni krainy hramadzian, pryzvanych na terminovuju vajennuju słužbu i słužbu ŭ reziervieviasnoj-letam 2010 hoda.
Usiaho na terminovuju słužbu ŭ armiju i inšyja vajskovyja farmiravańni nakiravana kala 10 tysiač čałaviek, na słužbu ŭ reziervie — kala 2 tysiač. Adpraŭka ŭ vojski pravodziłasia z 14 lipienia. Ciapier u złučeńniach i čaściach dla navabrancaŭ arhanizavany kursy pačatkovaj vajennaj padrychtoŭki. Vajennuju prysiahu jany prymuć 14 žniŭnia.
Vyvučeńnie i adbor hramadzian, jakija padlahajuć pryzyvu na terminovuju vajennuju słužbu, ažyćciaŭlalisia vajennymi kamisaryjatami krainy, a taksama pradstaŭnikami vajskovych čaściej Uzbrojenych sił, inšych vojskaŭ i vajskovych farmiravańniaŭ z 25 maja pa 13 lipienia.
Pryzyŭnaja kampanija pravodziłasia ŭ adpaviednaści z ukazam prezidenta ad 16 krasavika 2010 hoda № 182 «Ab zvalnieńni ŭ zapas vajennasłužačych terminovaj vajennaj słužby i reziervistaŭ, jakija vysłužyli ŭstanoŭlenyja terminy vajennaj słužby pa pryzyvie, słužby ŭ reziervie, i pryzyvie hramadzian na terminovuju vajennuju słužbu, słužbu ŭ reziervie ŭ
Ukazam ustanoŭlena, što paciarpiełyja ad nastupstvaŭ katastrofy na Čarnobylskaj AES hramadzianie, pryzvanyja na terminovuju vajennuju słužbu, nakiroŭvajucca ŭ vajskovyja čaści i farmiravańni, jakija nie znachodziacca na radyjeaktyŭna zabrudžanych terytoryjach, i pryznačajucca na vajskovyja pasady, nie źviazanyja z rabotami pa ekspłuatacyi krynic ianizujučaha vypramieńvańnia, zvyšvysokich častot i rabotami z kampanientami rakietnaha paliva.
Prezident pradpisaŭ Biełaruskaj čyhuncy zabiaśpiečyć pa zajaŭkach Minabarony, inšych dziaržorhanaŭ, u jakich praduhledžana vajennaja słužba, pieravozku vajennasłužačych terminovaj słužby i reziervistaŭ, jakija vysłužyli ŭstanoŭlenyja terminy, i hramadzian, pryzvanych na terminovuju vajennuju słužbu, słužbu ŭ reziervie.
Vajennym kamisaram na padstavie adpaviednych rašeńniaŭ rajonnych (haradskich) pryzyŭnych kamisij daručana nakiroŭvać u orhany prakuratury materyjały na hramadzian, jakija ŭchilisia ad pryzyvu na terminovuju vajennuju słužbu, słužbu ŭ reziervie, dla pryciahnieńnia ich da adkaznaści ŭ adpaviednaści ź dziejnym zakanadaŭstvam.
Infarmacyja ab vynikach pryzyŭnoj kampanii pavinna być pradstaŭlena ŭradam prezidentu da 20 listapada.