Ekspart biełaruskaha piva vyras udvaja 3

U pieršym paŭhodździ hetaha hoda pivavarnyja zavody Biełarusi pavialičyli ekspart piva ŭ 2,03 razu ŭ dačynieńni da pakazčyka za taki ž pieryjad minułaha,

paviedamili ŭ pres-słužbie kancerna «Biełdziaržcharčpram».

Pa vynikach šaści miesiacaŭ ekspartavana 1 młn. 840,3 tys. dał piva. Hadavoje zadańnie (6 młn. dał), zhodna z prahramaj raźvićcia pivavarnaj haliny na 2006–2010 hady, vykanana na 30,7%.

AAT «Lidskaje piva» ekspartavała 244,5 tys. dał, što ŭ 2,3 razu bolš, čym za taki ž pieryjad minułaha hoda; AAT «Krynica» — 1 młn. 187 tys. dał (na 66,2% bolš). AAT «Bresckaje piva» pavialičyła abjom ekspartu ŭ 5,4 razu, da 160 tys. dał. Sumiesnaje AAT «Rečycapiva» pastaviła 27,5 tys. dał (na 24,4% mienš), AAT «Piŭzavod «Alivaryja» — 39,1 tys. dał (u 29,1 razu bolš), SZAT «PK «Siabar» — 154,9 tys. dał (u 17,2 razu bolš), STAA «Dźvinski brovar» — 27,4 tys. dał (u 2,4 razu bolš).

Pavodle danych «Biełdziaržcharčprama», na ŭnutranym rynku Biełarusi ŭ studzieni-červieni realizavana 15 młn. 116,9 tys. dał piva, što na 1,7% mienš, čym za taki ž pieryjad 2009 hoda. Zadańnie šaści miesiacaŭ (21,9 młn. dał) vykanana na 70,1%.

Abjom pastavak piva na ŭnutrany rynak AAT «Krynica» za studzień-červień źniziŭsia na 18% da 5 młn. 196,9 tys. dał, AAT «Bresckaje piva» — na 10,6% (1 młn. 47,97 tys. dał), SAAT «Rečycapiva» — na 12,4% (497,16 tys. dał), STAA «Dźvinski brovar» — na 22,1% (95,2 tys. dał), inšymi zavodami — na 36,5% (29,8 tys. dał).

Razam z tym try pradpryjemstvy pavialičyli pastaŭki na ŭnutrany rynak: AAT «Lidskaje piva» — na 10,6% (2 młn. 320,6 tys. dał), SZAT «PK «Siabar» — na 61,4% (3 młn. 132,3 tys. dał), AAT «Piŭzavod «Alivaryja» — na 7,4% (3 młn. 160,7 tys. dał).

«Biełdziaržcharčpram» taksama pryvodzić danyja pa imparcie piva (u tym liku biezałkaholnaha) za studzień-maj. Ahulny abjom impartu ŭ hety pieryjad skłaŭ 5 młn. 156,6 tys. dał. Z Rasii pastaŭlena 3 młn. 90,3 tys. dał, Ukrainy — 1 młn. 990,6 tys. dał, Hiermanii — 5,3 tys. dał, Irłandyi — 4,1 tys. dał, Čechii — 10,4 tys. dał. Da pakazčyka za taki ž letašni pieryjad impart piva ŭ cełym źniziŭsia na 2,7%, u tym liku z Rasii — na 9,4%, Hiermanii — na 6,9%, Čechii — na 24,7%. Rost pastavak naziraŭsia z Ukrainy — na 7,2% i Irłandyi — na 12,5%.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH