Nacyjanalny alimpijski kamitet prezientavaŭ 13 žniŭnia pieršuju ŭ Biełarusi žanočuju kamandu pa chakiei «Pantera».

Vojcich Ullana (Minsk, Biełaruś)

Vojcich Ullana (Minsk, Biełaruś)

Sierhina Maryna (Rasija), udzielnica Alimpijskich hulniaŭ

Sierhina Maryna (Rasija), udzielnica Alimpijskich hulniaŭ

Siankievič Śviatłana (Biełaruś Hrodna)

Siankievič Śviatłana (Biełaruś Hrodna)

Łahatyp kamandy "Pantera"

Łahatyp kamandy "Pantera"

Kamanda była zarehistravana 27 traŭnia jak jurydyčnaja asoba TAA«Žanočy chakiejny kłub». Siońnia «Pantera» užo uvachodzić u skład siabraŭ Fiederacyi chakieja Biełarusi. Da trenirovak prystupili 16 chakieistak, z katorych tolki 7 dziaŭčat biełaruski. Bolšaść kamandy pryjšłosia nabirać za miažoj: u našaj «Pantery» buduć ihrać dźvie chakieistki sa Słavakii i siem z Rasiei.

Pieršaj ambitnaj metaj pierad dziaŭčatami staić adkryty čempijanat Łatvii, dzie vystupiać taksama 4 kamandy ad krainy haspadaroŭ i 3 kamandy z Estonii. Za «Panteru» budut hulać čatyry udzielnicy Alimpijskich hulniaŭ, jakija byli ŭ zbornych Słavakii i Rasii.

«Ź sioniašniaha dnia jany ŭsie ŭžo nie amatary, jany prafiesijanały» — zajaviŭ hałoŭny trenier kamandy «Pantera» Vasil Pankoŭ. Jon upeŭnieny, što ŭ chutkim časie kamanda syhrajecca i dziaŭčaty z roznym uzroŭniem padrychtoŭki, stanuć nasamreč hodnymi kankurentami, a praz 2–3 hady navat na Čempijanacie śvietu zmohuć vystupić.

Padrychtoŭka ŭ chakieistak taksama jak i ŭzrost vielmi adroznyja. Bramnicy z Rasii Maryi Anałbajevaj u śniežni budzie ŭžo 32, a napadajučaj ź Biełarusi Karynie Šyplickaj dla paraŭnańnia ŭsiaho 13 hadoŭ.

Da pačatku hetaha siezona žanočaja kamanda budzie ihrać «na ziamli» i tolki z 30 žniŭnia dziaŭčaty vyjduć na lod. Kamanda płanuje baziravacca ŭ Raŭbičach i pravodzić damašnija matčy na adnoj ź minskich aren.

Adnak akramia hrać i pieramahać pierad maładymi chakieistkami pastaŭlena jašče adna meta — papularyzacyja hetaha vidu sportu ŭ našaj krainie. Načalnik upraŭleńnia sporta i turyzma Minskaha abłvykankama navat paprasiŭ žurnalistaŭ pisać čaściej i bolej pra chakiej, kab farmavać u maładoha pakaleńnia dziaŭčat azart i žadańnie stać na lod i ŭziać klušku ŭ ruki. «Ja, naprykład, zaŭsiody vieryła ŭ žanočy chakiej u našaj krainie. — dzielicca ŭražańniami chakieistka Vojcich Uljana (Biełaruś, Minsk). — Ja zajmałasia ź dziacinstva i spadziavałasia hulać za biełaruskaju kamandu, adnak žanočaj nie isnavała. Mnie mnoha razoŭ abiacali, što voś-voś jana źjavicca, ale niešta ŭsio nie atrymlivałasia».

Ciapier, narešcie, atrymałasia. Kamanda isnuje, a razam ź joj na niechrupkija žanočyja plečy łažycca i nie małaja adkaznaść pierad zaŭziatarami.

***

Na dadzieny momant ŭ Mižnarodnaj asacyjacyi chakieja zarehistravany 34 žanočyja zbornyja kamandy. Štohod pravodzicca čempijanat śvietu siarod žančyn (akramia alimpijskaha hodu) i čempijanat śvietu siarod juniorak (da 18 hadoŭ). U 2011 čempijanat siarod žančynaŭ adbudziecca 16–25 krasavika. Hrupa, A — ZŠA, Šviecyja, Rasija, Słavakija. Hrupa B — Kanada, Finlandyja, Kazachstan, Šviecyja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?