Pretendent na post prezidenta Biełarusi ad Partyi BNF Ryhor Kastusioŭ zaklikaje ŭdzielnikaŭ budučaj vybarčaj kampanii da šyrokaha vykarystańnia biełaruskaj movy ŭ palityčnaj baraćbie.
Pra heta havorycca ŭ adkrytaj adoźvie Kastusiova da ŭsich subjektaŭ vybarčaha pracesu, u tym liku da Centrvybarkama.

Palityk prapanuje CVK pašyryć kolkaść biełaruskamoŭnych dakumientaŭ. «Vielmi dobra, što ŭzory i formy pa-biełarusku vykarystoŭvajucca vybarčymi kamisijami. Ale čamu b nie vydavać pa-biełarusku i ŭsiu astatniuju dakumientacyju, uklučajučy pastanovy i tłumačeńni Centralnaj kamisii. Hety palityčny orhan nie maje prava advodzić biełaruskaj movie druhasnuju rolu ŭ svajoj pracy», — ličyć Kastusioŭ.

Usim pretendentam na post prezidenta jon prapanuje vieści ahitacyju na biełaruskaj movie. «Heta budzie najlepšym dokazam ščyraści abiacańniaŭ biełaruskich palitykaŭ iści va ŭładu dziela słužeńnia intaresam biełaruskaha naroda. Taki krok dazvolić asobnym palitykam pieraadoleć štampy svajoj prarasijskaści ci prajeŭrapiejskaści, bo pa-biełarusku moža razmaŭlać vidavočna tolki biełaruski palityk», — adznačaje Kastusioŭ.

Jon paviedamlaje, što Partyja BNF budzie vieści ahitacyjnuju kampaniju tolki na biełaruskaj movie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?