Alaksandr Łukašenka zajaviŭ, što pravaachoŭnyja orhany pilna adpracujuć viersiju mahčymaj datyčnaści rasijskaha boku da incydentu, jaki adbyŭsia na terytoryi ambasady RF u Minsku.

«Chutčej za ŭsio, napeŭna, im patrebny byŭ hety incydent, kab pakazać: voś bačycie, jaki tam urad, Łukašenka, jaki ledź nie sam zładziŭ hety terakt, jak jany jaho nazyvajuć, i padpalili aŭtamabil rasijskaj ambasady. Padonki i niahodniki», — zajaviŭ Łukašenka ŭ sieradu, adkazvajučy na pytańnie ahienctva «Interfaks-Zachad».

«Ataka adna, ataka druhaja, ataka treciaja ŭ ŚMI, biesprecedentny cisk u ekanomicy. Nie ŭdajecca. Chacieli prezidenta nachilić — vychodzić naadvarot. Treba šukać inšyja mietady», — skazaŭ Łukašenka. Tamu, pa jaho słovach, «heta cikavaja viersija, i my budziem jaje adpracoŭvać».

Łukašenka zajaviŭ, što biełaruski bok «imhnienna vyjaviŭ i prapanavaŭ rasijskaj ambasadzie dapamohu. Ale jany skazali, što daduć rady sami.

Pa jaho słovach, «što datyčyć hetaj chutkaj abvinavaŭčaj reakcyi z boku Rasii, to ja pačynaju padumvać ab tym, kamu heta treba było». «Nam heta treba było z čaradoj hetych prapahandysckich filmaŭ? Nu nijak nam heta nie treba było. Tym bolš — biełaruskamu prezidentu heta na škodu. Tamu śpichvać heta na toje, što my viedali i nie pieraduchilili… Heta padonki i idyjoty», — skazaŭ Łukašenka. «Hety abvinavaŭčy ton viestunoŭ Kramla kaža ab tym, što pravaachoŭnym orhanam treba ŭvažliva pahladzieć na hety incydent», — adznačyŭ kiraŭnik dziaržavy, kamientujučy vykazvańnie rasijskich palitykaŭ ab tym, što biełaruskija ŭłady viedali pra rychtavanuju akcyju, ale nie pieraduchilili jaje.

«Nu, a toje, što my niasiom adkaznaść, — heta całkam pravilna. My za heta adkazvajem i zrobim usio, kab razabracca, što adbyłosia», — zajaviŭ kiraŭnik Biełarusi.

Ambasada RF u Minsku pakul admaŭlajecca kamientavać vykazvańni kiraŭnika Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?