Sakrataryjat respublikanskaha hramadskaha abjadnańnia «Tavarystva biełaruskaj movy imia Franciška Skaryny» zapatrabavaŭ ad uładaŭ pryniać zakon ab abaronie i dziaržaŭnaj padtrymcy biełaruskaj movy.
Pra heta havorycca ŭ zajavie «Rodnaja mova nie pavinna stać dla biełarusaŭ zamiežnaj», pryniataj 31 žniŭnia ŭ Minsku na pasiedžańni sakrataryjata TBM.

U zajavie adznačajecca, što 1 vieraśnia nabyvaje moc zakon «Ab praviłach biełaruskaj arfahrafii i punktuacyi», adnačasova ŭ škole pavialičvajecca kolkaść hadzin na navučańnie zamiežnaj movy.

«Zdajecca, toje ž treba zrabić i ź biełaruskaj movaj, dadać kolkaść hadzin, viarnuć vykładańnie historyi i hieahrafii Biełarusi va ŭsich škołach na rodnaj movie, a taksama ekzamien pa biełaruskaj litaratury. Ale Ministerstva adukacyi pra biełaruskuju movu dbać nie źbirajecca, i tamu kolkaść vučniaŭ, jakija navučajucca pa-biełarusku, skaraciłasia da 18%», — havorycca ŭ zajavie. Jaje aŭtary padkreślivajuć, što «zaraz u pieršy kłas iduć dzieci, jakija doma nikoli nie čuli biełaruskaj movy, bo ichnija baćki i dziady, što žyvuć u vialikich i małych haradach, zhubili poviaź z rodnym biełaruskamoŭnym asiarodkam, havorać doma ŭ asnoŭnym na «trasiancy».

Sakrataryjat TBM patrabavaŭ ad uładaŭ «raspracavać i ŭ bližejšy čas pryniać zakon ab abaronie i dziaržaŭnaj padtrymcy biełaruskaj movy, jak heta zroblena ŭ mnohich krainach, što dbajuć pra zachavańnie i raźvićcio kultury svajho narodu».

U intervju BiełaPAN staršynia TBM Aleh Trusaŭ vykazaŭ zaniepakojenaść tym, što pryniaŭšy zakon, ułada ničoha nie zrabiła dla pašyreńnia biełaruskaj movy ŭ śfiery adukacyi. «Naadvarot, u škołach u hetym hodzie ŭ paraŭnańni ź minułym na 1% stała mieniej vučniaŭ, jakija navučajucca pa-biełarusku», — padkreśliŭ Trusaŭ. Pavodle jaho słoŭ, u situacyi, kali na vyvučeńnie zamiežnych moŭ vydzieleny dadatkovyja hadziny, heta nie zroblena ŭ dačynieńni da biełaruskaj movy. Akramia taho, nie vydzielena nijakich srodkaŭ dla papularyzacyi biełaruskaj movy, skazaŭ staršynia TBM.

Na jaho dumku, «kamu patrebien novy zakon, kali na biełaruskaj movie niama kamu pisać».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?