Zvyčajna kiraŭnik pieradvybarnaha štaba kandydata — asoba viadomaja. Uładzimir Niaklajeŭ pajšoŭ inšym šlacham. Kiraŭnikom jahonaha vybarčaha štaba staŭ čałaviek, mała kamu viadomy navat u palityčnych kołach, Andrej Dźmitryjeŭ.
Takoje rašeńnie było pryniata na schodzie kampanii «Havary praŭdu!». Kandydaturu Dźmitryjeva padtrymała bolšaść aktyvistaŭ. «Kamanda patencyjnaha kandydata da vybaraŭ całkam hatova, u śpisie inicyjatyŭnaj hrupy naličvajecca ŭžo 1300 čałaviek i jon budzie pašyracca», — prainfarmavaŭ Andrej Dźmitryjeŭ
— Siońnia my całkam padrychtavany da vybaraŭ. Na siońnia našy aktyvisty prosta padali svaje danyja, heta kala 1300 čałaviek. Zaraz u nas druhi etap — heta pašyreńnie inicyjatyŭnaj hrupy. My zaraz robim akcyi pa ŭsich rehijonach, dzie zaprašajem ludziej dałučacca. I nie važna, kolki ty tam budzieš źbirać podpisaŭ. Kali ty možaš pracavać u svaim domie — hetaha ŭžo dastatkova. My chacieli b stvaryć niejki novy prykład taho, što ludzi mohuć dapamahać. Ale ja dumaju, my nie budziem śpiašacca. U nas jość vyznačany zakonam čas, i ja dumaju, što dzieści
Andrej Dźmitryjeŭ byŭ mižnarodnym sakratarom Abjadnanaj hramadzianskaj partyi i razam z Uładzimiram Niaklajevym stajaŭ la vytokaŭ kampanii «Havary praŭdu!». U čas zatrymańniaŭ i pieratrusaŭ na ofisie kampanii 18 maja byŭ aryštavany na troje sutak.