Vybuch pad Słuckam - zahinuli čatyry čałavieki 4

Miesca vybuchu.

Miesca vybuchu.

Varonka ad vybuchu.

Jašče adzin snarad

U Słuckim rajonie Minskaj vobłaści ŭ vyniku vybuchu nieŭstanoŭlenaha snarada zahinuli čatyry čałavieki.

Jak paviedamiła staršy pamočnik prakurora Minskaj vobłaści Taćciana Kalinina, 16 vieraśnia ŭ 23.57 u Słucki RAUS pastupiła paviedamleńnie z adnaho lesanarychtoŭčaha pradpryjemstva ab tym, što prykładna ŭ 22.30 na prasiołačnaj darozie za 100 m ad vioski Adamava adbyŭsia vybuch.

U vyniku čaho zahinuli čatyry rabočyja hetaha pradpryjemstva.

Na miesca zdareńnia vyjazdžała śledča-apieratyŭnaja hrupa, u tym liku prakuror Słuckaha rajona. Apytańnie rabotnikaŭ pradpryjemstva pakazała, što raniej adzin z zahinułych znajšoŭ u lesie nieŭstanoŭleny snarad, prynios jaho ŭ bryhadu. Bojeprypas źbiralisia razabrać u noč na 17 vieraśnia. Ź jakoj metaj — nieviadoma. Minułaj nočču na miescy zdareńnia byli znojdzienyja astanki tolki troch zahinułych. Vyšuki čaćviortaha praciahvajucca i siońnia.

Pablizu ad miesca zdareńnia byli znojdzienyja jašče dva snarady,

jakija abiasškodziła hrupa raźminiravańnia śpiecpadraździaleńnia pa baraćbie z teraryzmam MUS «Ałmaz».

Pravierku pa fakcie hibieli rabočych pravodzić prakuratura Słuckaha rajona.

BiełaPAN, fota Infa-kurjer (Słuck)

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH