Rejtynh biełaruskich palitykaŭ pavodle Google infahrafika15
Papularny pošukavik dapamoža vyznačyć i prezidenta, i adzinaha kandydata.
Usie my źviartajemsia da pošukavika amal štodnia. I samy papularny siarod ich — Google.
Biez hetaha praduktu adnajmiennaj amierykanskaj kampanii niemahčyma ŭjavić siońnia internet. U pryncypie, dziakujučy pošukaviku internet i staŭ takim, jakim my jaho viedajem siońnia.
Google dapamahaje znajści ŭsio — ad patrebnaj knihi, da imia apošniaha ŭładara actekaŭ. Treba adno ŭmieć im karystacca. Heta svojeasablivaje adlustravańnie sučasnaha śvietu ŭ infarmacyjnaj prastory.
Voś my i vyrašyli skarystacca pošukavikam, kab vyznačyć samaha papularnaha biełaruskaha palityka. Pradmietam pošuku stali proźviščy patencyjnych kandydataŭ, ich rasijskaja i biełaruskaja viersii. Kolkaść atrymanych spasyłak i stała asnoŭnym faktaram dla vyznačeńnia papularnaści taho albo inšaha palityka.
Cikava, što pa-biełarusku proźvišča Łukašenka zhadvajecca amal u try razy radziej, čym pa-rasijsku — 2,3 młn. razoŭ suprać 6,6 młn. A voś u Niaklajeva situacyja całkam advarotnaja — pa-biełarusku proźvišča lidara kampanii «Havary praŭdu!» zhadvajecca ŭ vosiem razoŭ čaściej, čym pa-rasijsku. Uvohule kolkaść biełaruskamoŭnych spasyłak pieravyšaje kolkaść rasijskamoŭnych tolki ŭ troch asobaŭ — Niaklajeva, Rymašeŭskaha i Kastusiova. U rešty rasijskija zhadki sustrakajucca albo stolki ž razoŭ, kolki i biełaruskija, albo značna radziej.
