Rasieja, 2010, kalarovy, 110 chv.
Režysior: Alaksiej Učyciel
Roli vykonvajuć: Uładzimir Maškoŭ, Julija Pieresild, Alaksiej Harbunoŭ, Uładas Bahdonas, Alaksandr Bašyraŭ, Siarhiej Harmaš
Žanr: Drama
Adznaka: 5,5 (z 10)
Pa vajnie kantužany frantavik Ihnat traplaje ŭ sibirski kraj dla ssylnych. Ihnat, haniebna zvolnieny z mašynistaŭ, znachodzić za razłamanym mastom zabyty ciahnik. Ale «haspadynia» ciahniku — niemka, jakaja chavałasia ŭ tajzie ŭsiu vajnu. Źniaviečany letucieńnik i «fašystka» adnaŭlajuć mašynu. Ale heta nie daspadoby mieścičam.
Karcina Alaksieja Učyciela — akuratnaje pierafarmatavańnie susiedzkaha kino «pra 50-yja» ź lohkim raźlikam na ekspart.Jość vajennaja forma i himnaściorki. Jość ssylnyja, viała zaličanyja ŭ «zdradniki i vorahi narodu». Jość niaźmienny dla rasiejskaha kino Siarhiej Harmaš — i «adnaruki» Alaksiej Harbunoŭ.
Ale ŭ filmie švendajucca miadźviedzi, hałoŭnaja hierainia łapočyć pa-niamiecku — i adsutničaje naviaźlivy saviecka-vajenny pafas. Asobnymi hierojami vystupajuć i ciahniki — jakija navat majuć svaje imiony.
Ciahniki zaŭždy byli pieršymi kinahierojami.U karcinie Učyciela hetyja hieroi pavažnyja, staryja, padrapanyja, hruvastkija — i vielmi prytkija. Jany navat naładžvajuć dvuboj.
Film cikavy svajoj idejaj i fotahienijaj stalovych mašynaŭ.
