Pracedura dekłaravańnia dachodaŭ pretendentami na pasadu prezidenta na vybarach hetaha hoda spraściłasia, paviedamiła 28 vieraśnia na pres-kanfierencyi ŭ Minsku staršynia Centrvybarkama Lidzija Jarmošyna.
Pavodle jaje słoŭ, na minułych vybarach pretendent pavinien byŭ dekłaravać dachody ŭsich blizkich svajakoŭ, u tym liku tych, jakija žyvuć asobna. "Ciapier, jak i luby dziaržsłužačy, pretendent budzie padavać dekłaracyju ab dachodach svajoj žonki, a taksama paŭnaletnich členaŭ siamji, kali jany pražyvajuć ź im", — skazała Jarmošyna.
Jana paviedamiła, što na Centrvybarkam uskładzieny abaviazak ustanaŭlivać, jakija parušeńni pry padačy dekłaracyi źjaŭlajucca istotnymi, a jakija nie.
"Kali pretendent u dekłaracyi pamyłkova ŭkaža abjom svaich dachodaŭ i hetaja pamyłka składzie mienš za 20% jaho hadavoha dachodu, to parušeńnie budzie pryznana nieistotnym dla jaho rehistracyi kandydatam u prezidenty", — zajaviła Jarmošyna.