Babulu z unukam zabili pałkami

U vioscy Vialikaja Servač (Vilejski rajon) 20 vieraśnia ŭ svaim domie byli žorstka zabityja 78-hadovaja piensijanierka i jaje 10-hadovy ŭnuk. Pa padazreńni ŭ dvajnym zabojstvie zatrymany 41-hadovy syn piensijanierki.

Babulu z unukam zabivali draŭlanaj i aluminijevaj pałkami, raskazaŭ śledčy śledčaha adździeła prakuratury Minskaj vobłaści pa Vilejskim rajonie Raman Fiaducik.

Pavodle jaho słoŭ, na nastupny dzień, u aŭtorak, da 41-hadovaha haspadara doma zajšoŭ u hości znajomy. Jon zaŭvažyŭ zabitych i raskazaŭ pra heta susiedcy, taja pazvaniła ŭ milicyju.

Pa papiarednich dadzienych, padazrony ŭ zabojstvie — psichična niezdarovy čałaviek. Jaho žonka pamierła piać hadoŭ tamu. Raman Fiaducik kaža: možna mierkavać, što paśla jaje śmierci mužčyna i zachvareŭ.

Adrazu paśla zdareńnia jon tłumačyŭ rabotnikam prakuratury i milicyi: sastarełaja maci z małaletnim synam — niačystaja siła, jakaja rychtavała kaniec śvietu. I jon nie daŭ im ździejśnić svoj namier.

Žyvoj u hetaj žachlivaj historyi zastałasia 7-hadovaja dačka padazronaha, jakaja ŭ momant zabojstva znachodziłasia nie doma, a ŭ svajakoŭ u susiednim Ludvinovie. U śledčaha jość usie padstavy mierkavać, što tolki heta i vyratavała dziaŭčyncy žyćcio.

Kryminalnaja sprava zaviedziena pa artykule «Zabojstva dźviuch asobaŭ, zaviedama sastarełaha i zaviedama małaletniaha». Padazrony znachodzicca ŭ izalatary časovaha ŭtrymańnia.

0

0

0

0

0

0

Siarhiej Ziańko, Rehimianalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH