«Ci viedajecie vy kandydataŭ na pasadu prezidenta?» — z takim pytańniem videažurnalistki «NN» źviarnulisia da minakoŭ na vulicach stalicy. Niechta, jak i raniej, ščyra zaklikaje hałasavać «za baćku», a to i ŭvohule zrabić jaho pažyćciovym kiraŭnikom. Inšyja ŭzhadvajuć proźviščy Niaklajeva, Sańnikava i biznesoŭca Pravalskaha, ale bolšaść apytanych ludziej vielmi słaba viedaje kandydataŭ, ci ŭvohule nie maje pra ich anijakaha ŭjaŭleńnia. Adna žančyna (nie dla kamiery) navat nazvała kandydatkaj u prezidenty žurnalistku Śviatłanu Kalinkinu. Źmienaŭ paśla vybaraŭ ludzi nie čakajuć, a kali i čakajuć, to nie vierać u ich:
Dla infarmacyi: apytańnie «NN» nie źjaŭlajecca reprezientatyŭnym sacyjałahičnym daśledvańniem. Razam z tym, žurnalisty imknucca apytać dastatkovuju kolkaść ludziej, kab była, pa mahčymaści, pradstaŭlenaja poŭnaja palitra pohladaŭ pa tym pytańni, jakoje zadajecca. U siarednim, apytvajecca kala 30-40 čałaviek. U vynikovaje videa patraplajuć 10-15 adkazaŭ — a mienavita najbolš źmiastoŭnyja, charakternyja ci raznastajnyja pohlady. Redakcyja nie źmianiaje i nie cenzurujuje vykazvańni apytanych, a taksama nie viadzie sielekcyi atrymanych adkazaŭ pa ideałahičnym ci palityčnym pryncypie. Pytańni surazmoŭcam zadajucca na biełaruskaj movie.
