Novyja vadzicielskija paśviedčańni pačnuć vydavacca va ŭsich padraździaleńniach, jakija adkazvajuć za ich vydaču na terytoryi Biełarusi, sa studzienia 2011 hoda.
Pra heta paviedamiŭ siońnia ŭ čas online kanfierencyi na sajcie BIEŁTA namieśnik načalnika ŭpraŭleńnia DAI MUS Biełarusi Maksim Padbiarozkin.
«Usio nieabchodnaje dla vypusku paśviedčańnia kiroŭcy ŭžo jość», — zapeŭniŭ jon.
Paśviedčańnie novaha ŭzoru budzie poŭnaściu adpaviadać mižnarodnamu ŭzoru. Paśviedčańnie praduhledžvaje 11 vadzicielskich katehoryj i padkatehoryj (AM — mapied, A i A1 — matacykły abjomam da i zvyš 500 kubičnych santymietraŭ, V, C, D i inš.).
Pry hetym, jak padkreśliŭ načalnik upraŭleńnia, paśviedčańnie budzie surjozna abaroniena. «Padrabić jaho budzie praktyčna niemahčyma», — ličyć jon. Novaje paśviedčańnie kiroŭcy praduhledžvaje najaŭnaść asabistaha podpisu hramadzianina, źmiaščaje tekst na biełaruskaj, ruskaj i anhlijskaj movach i budzie padobnaje na płastykavuju kartku.
Razam z tym paśviedčańni kiroŭcy staroha ŭzoru ŭ Biełarusi admianiać nie buduć.
