DAI prapracoŭvaje pytańnie ab mahčymaści kanfiskacyi mašyny za paŭtornaje vadžeńnie ŭ stanie ałkaholnaha apjanieńnia. Pra heta paviedamiŭ u sieradu ŭ čas online kanfierencyi na sajcie BIEŁTA namieśnik načalnika ŭpraŭleńnia DAI MUS Biełarusi Maksim Padbiarozkin.
Ciapier analizujucca vyniki źmianieńniaŭ u zakanadaŭstvie, jakija adbylisia niekalki hadoŭ tamu. «My ličym, što administracyjnyja i kryminalnyja miery, jakija ŭviedzieny, adpaviadajuć toj situacyi, jakaja składvajecca z ałkahalizmam, i kanfiskacyja całkam mahła by być darečy», — padkreśliŭ Maksim Padbiarozkin. U krainach dalokaha i blizkaha zamiežža taki vid pakarańnia ŭžo isnuje i pryniaty hramadstvam.
«Pjany za rulom — heta złačyniec. Adekvatna kiravać transpartnym srodkam jon nie moža. Mienavita pjanstva za rulom źjaŭlajecca tym bičom, jaki pakidaje zarubiny na losach cełych siemjaŭ», — padkreśliŭ pradstaŭnik DAI.
Niahledziačy na toje, što hetaj prablemie ŭdzialajecca vielmi vialikaja ŭvaha, jana nie stračvaje svajoj aktualnaści. Tak, za 8 miesiacaŭ biahučaha hoda inśpiektarami DAI zatrymany bolš jak 33 tys. hramadzian, jakija znachodzilisia ŭ stanie ałkaholnaha apjanieńnia, — heta prykładna na tysiaču bolš u paraŭnańni z anałahičnym pieryjadam minułaha hoda. Siarod zatrymanych — bolš jak 3 tys. paŭtorna. Tamu akramia prafiłaktyki nieabchodna prymać samyja žorstkija miery reahavańnia.
Kali havaryć ab pavieličeńni terminu pazbaŭleńnia voli za ŭčynieńnie złačynstva ŭ pjanym vyhladzie, to DAI hetu inicyjatyvu sumiesna z prakuraturaj razhladała. Heta pytańnie z paradku dnia na siońniašni dzień nie źniata, ale pakul niejkaje kankretnaje rašeńnie nie vypracavana.
