9 kastryčnika nabyŭ moc ukaz prezidenta № 454 ad 3 vieraśnia «Ab mierach, skiravanych na harantavańnie biaśpieki darožnaha ruchu z vykarystańniem śpiecyjalnych techničnych srodkaŭ».
Jak paviedamiŭ staršy inśpiektar UDAI MUS Stanisłaŭ Sałaviej, zaraz da administracyjnaj adkaznaści za pieravyšeńnie chutkaści budzie pryciahvacca mienavita ŭładalnik aŭtamabila.
Pavodle słoŭ Sałaŭja, śpiecyjalnymi srodkami, jakija pracujuć u aŭtamatyčnym režymie fota- i videafiksacyi, budzie prahladacca numar aŭtamabila. Zatym pa bazie danych budzie vyjaŭlacca ŭładalnik transpartnaha srodku, jakomu zakaznym listom budzie vysłana pastanova ab nakładańni štrafu.
Kali transpartny srodak naležyć jurydyčnaj asobie, jana ŭ piacidzionny termin pavinna padać infarmacyju pra vadziciela, jaki ŭ momant parušeńnia karystaŭsia hetym transpartnym srodkam. U hetym vypadku da adkaznaści pryciahvajecca vadziciel. Kali jurydyčnaja asoba nie daje takoj infarmacyi, jana moža być pryciahnuta da administracyjnaj adkaznaści, paviedamiŭ Sałaviej.
Pastanova, jakaja vynosicca ŭładalniku, moža być apratestavana ŭ DAI pa miescy žycharstva, a taksama admieniena prakuroram, adnak dla dalejšaha razhladu nieabchodny kankretnyja danyja ab tym, što za rulom hetaha transpartnaha srodku znachodziŭsia inšy čałaviek. U hetym vypadku da adkaznaści taksama pryciahvajecca kiroŭca.