«Tajota» adklikaje 1,5 młn aŭto

Japonski kancern Toyota Motor Corp. abviaściŭ ab čarhovym adklikańni 1,5 młn aŭtamabilaŭ pa ŭsim śviecie.

Śpiecyjalisty kampanii vyjavili defiekty bienzapompy i tarmaznych cylindraŭ u 11 madelaŭ. Pa ich słovach, niepaładku nieabchodna likvidavać, bo z časam jana budzie ŭpłyvać na tarmaznyja charaktarystyki.

Akcyja zakranie aŭtamabili, vypuščanyja ad maja 2002 hoda da sakavika 2006 hoda:

Toyota Avalon, Crown, Highlander, a taksama Lexus GS 300, IS 250 i IS 350

— 740 tys. mašyn u ZŠA i 600 tys. u Japonii. 50 tys. aŭto budzie adklikana ŭ Jeŭropie, 60 tys. — u Kitai, 30 tys. — u Aŭstralii i 50 tys. — u niekalkich azijackich krainach.

Za apošni hod karparacyja Toyota adklikała z-za roznych defiektaŭ, časta patencyjnych, kala 10 młn aŭto pa ŭsim śviecie. Tak surjoznaja kampanija dbaje pra svoj prestyž i biaśpieku klijentaŭ.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH