U 153 učastkovyja kamisii Mahilova nia trapiŭ nivodzin pradstaŭnik apazycyi.

112 svaich aktyvistaŭ vyłučali tudy ruch BNF «Adradžeńnie», Abjadnanaja Hramadzianskaja Partyja, Partyja levych «Spraviadlivy śviet», a taksama dźvie niaŭradavyja arhanizacyi: «Hramadzianski forum» dy Mahiloŭski pravaabarončy centar.

Na pasiedžańni Kastryčnickaj rajonnaj kamisii siońnia prysutničali niekatoryja z vyłučencaŭ. Pavodle prysutnaha na pasiedžańni pravaabaroncy Barysa Buchela, proźviščy zaćvierdžanych u kamisijach, a taksama arhanizacyi jakija ich tudy vyłučyli, nie nazyvalisia. Tłumačylisia tolki pryčyny admovy:

«Asnoŭnaja pryčyna — adsutnaść dośviedu pracy ŭ kamisijach, a taksama praca ŭ inicyjatyŭnych hrupach patencyjnych pretendentaŭ na prezydenctva. Hučała j takaja pryčyna, jak adsutnaść pastajannaha miesca pracy. Mnie admovili na toj padstavie, što ja pišu skarhi».

Na ŭdzieł u 69 učastkovych kamisijach Kastryčnickaha rajonu pretendavali 33 apazycyjanery.

U 83 učastkovyja kamisii Leninskaha rajonu vyłučalisia 79 apazycyjaneraŭ. Nivodzin ź ich na pasiedžańni rajonnaj kamisii, na jakoj zaćviardžaŭsia skład učastkovych kamisijaŭ, nie prysutničaŭ. Pasiedžańnie adbyłosia, a vośmaj ranicy ŭ paniadziełak.

Niekatoryja z vyłučencaŭ zajaŭlajuć, što buduć u sudovym paradku damahacca pierahladu składu kamisijaŭ.

U terytaryjalnych kamisijach Mahilova tolki adzin apazycyjaner. U abłasnoj kamisii zaćvierdzili pradstaŭnika Abjadnanaj hramadzianskaj partyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?