Apelacyjnyja kalehija Mienskaha haspadarčaha sudu vyrašyła adchilić skarhu na papiaredniaje rašeńnie źlikvidavać daśledča-aśvietnickuju ŭstanovu «Ruch napierad». Takoje rašeńnie pryniali staršynia kalehii Siarhiej Kułakoŭski i sudździ Andrej Płotnikaŭ i Taciana Kuzievič.

U miežach «Ruchu napierad» dziejničaje kampanija «Havary praŭdu».

Lider kampanii Ŭładzimier Niaklajeŭ — adzin z kandydataŭ na prezydenta.

Pradstaŭniki «Ruchu napierad» patłumačyli rašeńnie apelacyjnaj kalehii zahadam źvierchu i nazvali jaho palityčna matyvavanym.

Rašeńnie Mienskaha haspadarčaha sudu možna abskardzić u vyšejšaj instancyi ciaham miesiaca, ale, faktyčna, ličycca, što rašeńnie ŭstupiła ŭ dziejańnie ad siońnia.

Raniej Mienski haspadarčy sud pryznaŭ niesapraŭdnaj damovu arendy pamiž «Rucham napierad» i kampanijaj «Cina Vłaci». Na hetaj padstavie sud zadavoliŭ pazoŭ Mienharvykankamu pra pazbaŭleńnie «Ruchu napierad» dziaržaŭnaj rehistracyi.

Jašče ŭ traŭni adbylisia pieršyja pieratrusy ŭ supracoŭnikaŭ kampanii «Havary praŭdu». Byŭ apiačatany ofis kampanii, jaki nie adčynieny dahetul. Troch aktyvistaŭ kampanii, u tym liku jaje lidera paeta Ŭładzimiera Niaklajeva, try dni pratrymali za kratami. Šmat u kaho z aktyvistaŭ milicyja zabrała kamputary, jakija dahetul nie addali.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?