Na finalnaje šou i viačerniuju hienieralnuju repietycyju dziciačaha «Jeŭrabačańnia» bilety ŭžo pradadzieny. Pra heta paviedamiŭ namieśnik staršyni Biełteleradyjokampanii, vykanaŭčy pradziusar dziciačaha «Jeŭrabačańnia» Alaksandr Martynienka

10 listapada padčas anłajn-kanfierencyi na sajcie telekampanii.

Pavodle jaho słoŭ, ciapier «Minsk-Arena» pradaje bilety na jašče adnu dzionnuju hienieralnuju repietycyju. Usie repietycyi, na jakija pradajucca bilety, nie buduć adroźnivacca ad asnoŭnaha konkursnaha dnia. Adzinaja roźnica — nie budzie hałasavańnia (choć budzie jaho imitacyja), i nie budzie nazvany pieramožca.

Raniej arhanizatary ŭ jakaści adnoj z zornych pierson, jakaja moža pryjechać na dziciačaje «Jeŭrabačańnie»,

nazyvali aktrysu i śpiavačku Dženifier Łopies.

Adkazvajučy na pytańnie nakont zaprošanych zornych haściej, Martynienka paviedamiŭ pra zapłanavany pryjezd Alaksandra Rybaka.

«Što da Dženifier Łopies…

Ja ŭpeŭnieny, što heta pieršy konkurs, jaki prachodzić u Minsku, ale nie apošni, — skazaŭ Martynienka. — Ja spadziajusia, što na adzin ź ich, jaki budzie prachodzić u „Minsk-Arenie“, Dženifier abaviazkova pryjedzie».

«Zorki hrupy, A, na žal, jašče vielmi mała viedajuć pra Biełaruś i ŭ ich jość takaja pryvyčka spaźniacca ci nie ŭ čas pryjazdžać, a pakolki heta pramaja tranślacyja, to ŭsio pavinna być raźličana pa siekundach i ŭsie pavinny być dyscyplinavanyja, — dadaŭ jon. — My ŭličvali hetyja momanty. Ja ŭpeŭnieny, my zrobim šou cikavym, chaj tam i nie budzie artysta hrupy, A, ad hetaha šou nie budzie sumnym».

Dla ŭdzielnikaŭ «Jeŭrabačańnia», jak paviedamiŭ Martynienka, budzie arhanizavana vialikaja ekskursija pa Minsku. Akramia hetaha, zapłanavanyja dva viečary ŭ Jeŭrakłubie (jon raźmieścicca ŭ Pałacy Respubliki) z konkursami, viktarynami, dyskatekaj, kab dzieci zmahli pahutaryć adzin z adnym. Taksama dzieci pabyvajuć u adnym ź minskich kłubaŭ, dzie ŭ ich rasparadžeńni budzie boŭlinh, hulniavyja aŭtamaty i roznyja pačastunki sa straŭ biełaruskaj kuchni.

«My vielmi spadziajomsia, što jany pabyvajuć u Biełaruskim cyrku, praŭda, budaŭniki pakul nie paśpiavajuć svoječasova skončyć ramontnyja raboty tam, — skazaŭ jon. — Spadziajomsia, što jany pastarajucca, i ŭdzielniki dziciačaha „Jeŭrabačańnia“ stanuć pieršymi naviedvalnikami ŭžo adramantavanaha Biełaruskaha dziaržaŭnaha cyrka». Taksama ŭ «Minsk-Arenie» dla kankursantaŭ zrobleny vialiki hulniavy pakoj.

Nahadajem, finał dziciačaha «Jeŭrabačańnia-2010»

projdzie ŭ Minsku 20 listapada. Udzielniki konkursu z 14 krain źjeducca ŭ Minsk da 15 listapada.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?