Prem'jer-ministr Rasii Uładzimir Pucin zaklikaŭ paskoryć ratyfikacyju dakumientaŭ pa stvareńni Adzinaj ekanamičnaj prastory (AEP) Rasii, Biełarusi i Kazachstana,

paviedamlaje RIA Novosti.

Vystupajučy 17 listapada na pasiadžeńni ŭrada, jon nahadaŭ pra damoŭlenaści, dasiahnutyja pa hetym pytańni ź Biełaruśsiu. «Kali ratyfikacyja ŭsiaho pakieta pa Adzinaj ekanamičnaj prastory adbudziecca raniej za 1 studzienia 2012 hoda, to my adpaviednym čynam adreahujem u našych uzajemaadnosinach u śfiery ekanamičnaha supracoŭnictva, u pryvatnaści ŭ śfiery enierhietyki, pa pytańni prymianieńnia abo nieprymianieńnia mytnych pošlin na niekatoryja vidy tavaraŭ», — skazaŭ Pucin.

Jon paprasiŭ pieramoŭščykaŭ «zychodzić z hetych damoŭlenaściaŭ i dać mahčymaść ratyfikavać uvieś pakiet dakumientaŭ jak maha chutčej». «Kali paśpiejem da 1 studzienia 2011 hoda — dobra», — padkreśliŭ rasijski premjer.

Jak raniej paviedamlałasia, pytańnie stvareńnia AEP u miežach Mytnaha sajuza Biełarusi, Kazachstana i Rasii budzie abmiarkoŭvacca 19 listapada ŭ Sankt-Pieciarburhu na 28-m pasiadžeńni Miždziaržsavieta Jeŭrazijskaj ekanamičnaj supolnaści (JeŭrAzES) na ŭzroŭni kiraŭnikoŭ uradaŭ.

Vystupajučy 17 listapada na Biełaruskim inviestycyjnym forumie ŭ Frankfurcie-na-Majnie, prem'jer-ministr Biełarusi Siarhiej Sidorski paviedamiŭ, što ŭ piatnicu, 19 listapada, kiraŭniki ŭradaŭ mytnaj «trojki» padpišuć kančatkovyja dakumienty pa farmiravańni AEP.

Pavodle jaho słoŭ, heta budzie kančatkovaje pahadnieńnie ab farmiravańni z 1 studzienia 2011 hoda Adzinaj ekanamičnaj prastory, padobnaj na tuju, što isnuje ŭ Jeŭrasajuzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?