Anatol Kapski, fota «Narodnaj haziety».
Pra heta zajaviŭ staršynia praŭleńnia FK BATE Anatol Kapski padčasonłajn-kanfierencyi , što prajšła ŭ «Narodnaj haziecie» 23 listapada
«Ja liču, što ludzi, jakija saśpieli, nakont jakich jość peŭny pakiet prapanoŭ, — heta Radzivonaŭ i, mahčyma, Šytaŭ.
Kali buduć dobryja prapanovy, my nie zmožam admović hulcam u pierachodzie ŭ inšy kłub.
Pakul vyrazna sfarmulavanych prapanoŭ hetym futbalistam niama.
Nikomu addavać za biascenak našych hulcoŭ my nie budziem. Vieramko — hałkipier vysokaha ŭzroŭniu, ale my padrychtavali jamu hodnuju zamienu ŭ asobie Hutara. Heta taja samaja schiema pierajemnaści. Tak što kali pa Vieramko pastupiać prapanovy, my ich budziem razhladać. My nie kuplajem futbalistaŭ na adzin hod. Što tyčycca maładych hulcoŭ — Hutara, Niachajčyka, Dźmitryja Bahi, Skavyša — jany nie ŭsio addali našaj kamandzie,
tamu prapanovy ab ich tranśfierach razhladacca nie buduć. My nie budziem ładzić tatalny rasprodaž.
Nie sakret, što niekalki viadučych hulcoŭ BATE zarablajuć kala 120 tysiač dalaraŭ u hod biez premijalnych. A kali im prapanujuć kantrakt na paŭmiljona? Chłopca zaprašajuć u dobruju kamandu, jakaja zmahajecca za vysokija miescy i ŭdzielničaje ŭ surjoznych spabornictvach. Chiba pravilna budzie jaho nie adpuścić?
Chočacca, kab našy hulcy raźvivalisia na karyść biełaruskaha futboła, na karyść zbornaj.
Ale jość i inšyja situacyi.
U nas jość Niachajčyk, jaki cikavy dla zamiežnych klubaŭ, ale ja liču,
što jamu jašče rana pierajazdžać u inšy čempijanat.
Dy i prapanoŭ takich, ad jakich nielha admovicca, nie pastupała. A kali Radzivonavu pastupić dobraja prapanova ź Jeŭropy, my nie majem prava jaho nie adpuścić. Treba pavažać futbalistaŭ i spryjać raźvićciu ich karjery.
Dva čałavieki, ź jakimi ni za što nie rasstaniemsia (kali tolki nie pastupić niejkaja varjackaja prapanova ź jeŭrapiejskich kłubaŭ), heta Alaksandr Jurevič i Dźmitryj Lichtarovič.
Ale mnie chočacca, kab jany addali siabie BATE. Bo bieź ich BATE — heta ŭžo nie BATE.
Ja nie viedaju, chto samy darahi hulec u kamandzie. Situacyja dosyć ŭmoŭnaja. Heta rynak, i ŭ nas vielmi šmat kłasnych futbalistaŭ. U mnohich viadomych kłubach hulajuć ludzi, u jakich abjom stanoŭčych jakaściaŭ nie tak šyroki, jak u našych hulcoŭ. Spadziajusia, što ŭ kamandzie kožny hod budzie źjaŭlacca futbalist, jaki stanie paśla samym darahim.
Za vychad u hrupavy etap Lihi Jeŭropy my vypłačvajem 150 tysiač jeŭra na kamandu i 150 tysiač jeŭra za vychad upłej-of turniru,
u hrupie ničyja — 40 tys. jeŭra, pieramoha — 70 tys. jeŭra. U čempijanacie Biełarusi premijalnyja za pieramohu da tysiačy dalaraŭ za hulca. Za ničyi naohuł nie premirujem.
poŭny tekst
***
Nahadajem, što barysaŭski BATE sioleta staŭ siamikratnym čempijonam Biełarusi pa futbole (pryčym piaty raz zapar), a taksama daterminova vyjšaŭ u 1/16 finału Lihi Jeŭropy.
2 śniežnia na stadyjonie «Dynama» BATE zhulaje ŭ matčy5-ha tura hrupavoha etap LE z kijeŭskim «Dynama» (pačatak matču, a 22:05).
Budzie marozna, pakul sinoptyki prahnazujuć ad minus 6–9 da minus 11, ale całkam vierahodna, što heta budzie hulnia za pieršaje miesca ŭ hrupie, što dazvolić być siejanym padčas losavańnia
Matčy pieršaha raŭndu
Bilety na matč BATE — «Dynama» Kijeŭ užo ŭ prodažy. Košt — 10 000, 20 000, 30 000.
