Alaksandr Surykaŭ, Nadzvyčajny i Paŭnamocny Pasoł Rasiei ŭ Biełarusi, padčas svajho vizytu na Ałtaj, svoj rodny rehijon, u interviju hazecie «Svobodnyj kurs» padzialiŭsia svaim mierkavańniem nakont pryčynaŭ uzajemnych abvinavačvańniaŭ pamiž kiraŭnikami Biełarusi i Rasiei.
«Svobodnyj kurs»: Jak prasoŭvajecca praca pa stvareńni adzinaj ekanamičnaj prastory, Mytnaha sajuzu?
Surykaŭ: Samaje hałoŭnaje — sajuz stvorany, zaraz idzie praces prycirki. Intehracyjnyja pracesy raźvivajucca: tavaraabarot raście, kaaperacyjnyja pracesy ŭ ekanomicy taksama. Viadoma, nie abychodzicca biez šurpataściaŭ. Časam byvaje, na žal, šmat šumu. Naprykład, Biełarusi chaciełasia b, kab my źlikvidavali mytnyja pošliny na naftu i naftapradukty. My kažam, što hatovyja heta zrabić, kali stvorym adzinuju ekanamičnuju prastoru, kab umovy pracy ŭ naftavaj i hazavaj płoskaści byli raŭnapraŭnymi. Idzie abmierkavańnie — pakul časam stvareńnia adzinaj ekanamičnaj prastory nazyvajecca 1 studzienia 2012 hodu, chaciełasia b raniej.
«Svobodnyj kurs»: Jak prachodzić abmierkavańnie hetaha pytańnia?
Surykaŭ: Dastatkova plonna, choć my jašče čakajem składanaściaŭ. Tamu što, naprykład, u Kazachstanie i Rasiei ekanomiki bolš rynkavyja, čym u Biełarusi, dzie ŭ bolšaj stupieni pieravažaje dziaržułasnaść. Ja dumaju, što z vychadam na adzinuju ekanamičnuju prastoru ciapierašnija sprečki, śviedkami jakich źjaŭlajucca ŭ tym liku telehledačy Rasiei, asabliva kanału NTV, buduć źniatyja. Krainy vydatna susiedničajuć, siabrujuć, usie sfery dziejnaści narmalna intehrujucca, ale nie biaz treńniaŭ, jakija časam vylivajucca ŭ takija ŭsploski.
«Svobodnyj kurs»: Ci čakajecie vy surjoznych nastupstvaŭ hetaha supraćstajańnia dvuch lideraŭ?
Surykaŭ: My nastupstvaŭ nie čakajem i nie źbirajemsia ŭmiešvacca ŭ vybarčy praces. I my, i Eŭraźviaz, i ZŠA sychodzimsia ŭ prahnozach, što adzin hałoŭny kandydat — Alaksandr Ryhoravič Łukašenka — pieramoža abjektyŭna, pradkazalna i ź vialikim adryvam. Kali ž biełaruski bok pačaŭ nahniatać infarmacyju, zaprasiŭ paradku sotni drukavanych i elektronnych ŚMI, pačaŭ havaryć nia vielmi pryjemnyja rečy, my taksama pačali havaryć nia vielmi pryjemnyja rečy. Tamu što dvuchbakovyja pytańni varta abmiarkoŭvać jak naležyć, u miždziaržaŭnym farmacie. Treba siadać za stoł pieramovaŭ i vyrašać. A nia skardzicca žurnalistam.
«Svobodnyj kurs»: Čamu ž tak nie atrymlivajecca?
Surykaŭ: Mabyć, tamu, što ŭ kožnaha čałavieka svoj charaktar: u adnaho bolš ekspansiŭny, u inšaha bolš spakojny. Jość kryŭdy: dzieści my nie zadavalniajem žadańnie biełaruskaha boku. My sapraŭdy nia možam zaŭsiody ich zadavalniać. Uzajemaadnosiny pavinny budavacca na ŭzajemavyhadnaj, raŭnapraŭnaj i rynkavaj asnovie. Ale adzin bok časam patrabuje vyhadu tolki dla siabie. Tak być nia moža.
«Svobodnyj kurs»: Jak adbiŭsia na vašaj dziejnaści peryjad abvastreńnia adnosin?
Surykaŭ: Ambasada nie prymaje rašeńniaŭ u tych ci inšych damoŭlenaściach. Heta sprava prezydenta, premjera ci ŭradu. My tolki davodzim svoj punkt hledžańnia. A ci budzie naša abo biełaruskaja ŭłada prytrymlivacca hetaha punktu hledžańnia — heta pytańnie takoje…
«Svobodnyj kurs»: Ci była razmova pra mahčymaje vaša adklikańnie ź Miensku Maskvoj…
Surykaŭ: Pra heta razmovy nie było. Chtości dumaje: raz takija zajavy byli, to pasłoŭ adkličuć. Ale my nie nastolki daloka zajšli.
«Svobodnyj kurs»: Ale ŭsio ž vam niaprosta daviałosia ŭ hety peryjad?
Surykaŭ: Pryjemnaha mała. Kali ŭ Biełarusi hladziać pa rasiejskich kanałach filmy pra «baćku»… Ja dumaju, što heta taksama nie vielmi dobra z punktu hledžańnia daviadzieńnia dumki.
«Svobodnyj kurs»: Zajavu našaha prezydenta ŭ videabłohu jak tam usprymałasia?
Surykaŭ: Narmalna. Razumieju kryŭdy biełaruskaha boku. Ale jano było adkazam na
«Svobodnyj kurs»: Ci nadoŭha?
Surykaŭ: Moža, i nazaŭsiody. Kali paŭstanie razumieńnie ŭ abodvuch bakoŭ ab praviłach vyrašeńnia razychodžańniaŭ. Mnie zdajecca, jano pačynaje ŭźnikać.
