Pra heta hurtu paviedamili siońnia ŭ administracyi ŭstanovy.
Prezientacyja novaha albomu «J: mors» «Elektryčnaść» u Pałacy sportu, zapłanavanaja na 11 śniežnia, adbudziecca. Pra heta paviedamiŭ Źmicier Biezkaravajny, adkazny za kantakty z presaj. Pa jaho słovach, pra heta im siońnia im paviedamili ŭ administracyi pałacu.
24 listapada ŭ svaim błohu lidar «J: mors» Uładzimir Puhač napisaŭ, što solny kancert hurta moža być admienieny. Pryčyna — napiaredadni «J: mors» admoviŭsia ŭdzielničać u akcyi «Biełaruś — heta my». Hurt pryncypova nie ŭdzielničaje ŭ palityzavanych mierapryjemstvach, a ŭ dadzienym vypadku dadavałasia nieabchodnaść vystupać pad fanahramu. Pa słovach Puhača, nie dačakaŭšysia zhody vystupać, arhanizatary kancerta (telekanał ANT) pačali pahražać. «Kali vy admoviciesia ŭdzielničać u hetym kancercie, my majem prava zrabić tak, što vas prybiaruć z usich kanałaŭ krainy». A potym ad pahrozaŭ prystupili da kankretnych dziejańniaŭ: kancert u Pałacy sportu admianili «ŭ suviazi z praviadzieńniem tam 11 śniežnia spartyŭnaha mierapryjemstva».
Nahadajem, što albom «Elektryčnaść» možna biaspłatna spampavać na sajcie hurta.
