Alaksandr Łukašenka zajaviŭ, što maje fakty finansavańnia Rasijaj apazicyjnych kandydataŭ na pasadu kiraŭnika biełaruskaj dziaržavy Uładzimira Niaklajeva i Andreja Sańnikava. Heta prahučała siońnia ŭ intervju francuzskaj haziecie «Fiharo»,paviedamlaje karespandent BIEŁTA.
Na pytańnie žurnalista haziety, ci dapamahaje Rasija častcy biełaruskaj apazicyi, Alaksandr Łukašenka skazaŭ: «Heta tak, i my heta viedajem. U nas jość fakty. Uładzimir Niaklajeŭ, Andrej Sańnikaŭ — heta ludzi, jakija siońnia finansujucca Rasijaj».
Na dumku kiraŭnika biełaruskaj dziaržavy, ciapierašnija apazicyjnyja kandydaty nie hatovy vieści pieradvybarnuju kampaniju.
Havoračy ab mahčymaści supracoŭnictva ŭłady z apazicyjaj, Alaksandr Łukašenka nie vyklučyŭ takoj situacyi. Adnak heta było skazana, tolki kab dalej rytaryčna dyskredytavać svaich apanientaŭ. Łukašenka zajaviŭ: «Naša tak zvanaja apazicyja pakul dziejničaje z pazicyi «čym horš — tym lepš»: čym horš dla naroda — tym lepš dla ich. Na takich asnovach ja nie tolki z apazicyjaj, ale ŭ tym liku i ź lubymi inšymi hramadzianami Biełarusi abo zamiežnymi dziaržavami supracoŭničać nie budu. Maja meta — palapšeńnie žyćcia ludziej, a nie paharšeńnie», — padkreśliŭ Alaksandr Łukašenka.
